Sendiherranum var fórnað. CIA skildi hann eftir ásamt nokkrum "Navy seals"

Samsærissmiðir í BNA telja að CIA sé spillingarhreiður Repúblikanaflokksins og hernaðarsinna.

Þeir hafa nokkuð til síns máls.

Eins og í Iran Contra klúðrinu þar sem Oliver North offursti tók á sig sökina af CIA og Reagan  þegar Bush eldri var forstjóri CIA. 

Sumir telja að einhverjir í CIA hafi vitað af komu þeirra sem sprengdu turnanna í New York og látið það afskiptalaust.

Þeir vissu kannski ekki hversu stórkostleg aðgerðin yrði en hernaðarhaukanna vantaði átyllu til að komast í stríð.

J. Christopher Stevens sendiherra Bandaríkjanna í Líbíu hafði lagt á sig að læra arabísku og var vinsæll meðal fólks þar. 

Maður sem hefði verið trúandi til að semja frið við þjóðirnar í Asíu, hefði hann fengið tækifæri til þess.

Stríðshaukarnir í Repúblikanaflokknum og CIA eru varla óhuggandi yfir því að hann var drepinn.

Samsærissmiðirnir myndu ekki hika við að segja að þeir hefðu sjálfir látið drepa hann.

Að minnsta kosti var alveg fáránlegt að ekkert var gert sem dugði til að bjarga sendiherranum og samstarfsmönnum hans. 

Hann hringdi og sagðist vera undir árásum en ekkert gerðist í marga klukkutíma en árásin stóð í alls 7 klukkustundir.   

Það hefði verið léttur leikur fyrir Bandaríkjamenn að senda eldflaugar og rústa árásarmönnunum

Það sáum við vel í stríðinu þarna þegar Gaddafi var steypt af stóli. 

Þarna í Benghazi var bæði ræðismannskrifstofa og útibú frá CIA.  

CIA mennirnir voru flestir hlaupnir burt en þau í utanríkisráðuneytinu héldu að þeir myndi vernda sendiherrann og hans fólk.  

Þeir sem drápu sendiherrann vissu greinilega að hann gat leitað skjóls í hernaðarlega sterku virki inni á svæðinu. 

Þeir höfðu því með sér íkveikjusprengjur til að kveikja elda svo að þeir sem voru þar inni myndu kafna úr reyk. 

Og það var nákvæmlega það sem gerðist.  Sendiherrann dó af völdum reykeitrunar.

Eric Cantor leiðtogi repúblikanna í Fulltrúadeildinni vissi af þessu framhjáhaldi í október og einnig félagi hans Dave Reichert.

Mitt Romney réðist réttilega á Obama fyrir að hafa ekki komið sendiherranum og starfsmönnunum til hjálpar.

En fljótlega var Romney látinn hætta að vera með þetta Benghazi mál í kosningabaráttunni. 

Sendiherrann var hreinlega skilinn eftir svo að hryðjuverkamenn gætu slátrað honum og þremur öðrum.

Þar af voru tveir fyrrverandi liðsmenn í Navy seals,  auk upplýsingafulltrúa og sendiherrans. 

Samtök Navy seal´s hafa haldið því fram að þeir hafi augljóslega verið yfirgefnir af yfirlögðu ráði.

Þeir ættu kannski að vita hvað þeir eru að tala um, eru sérfræðingar í nákvæmlega svona aðstæðum.

Þeir sögðu einnig að Obama hefði tvisvar um kvöldið og nóttina neitað að bregðast við með hernaðaríhlutun. 

Obamastjórnin afsakaði sig með því að þeir hefðu fengið lélegar og ófullnægjandi upplýsingar frá CIA. 

Og að engar flugvélar hafi verið á svæðinu, en ómönnuð njósnavél hafi komið á vettvang 70 mínútum eftir að árásin hófst. 

Það hefði þá verið auðvelt að senda þangað eldflaug ef Obama hefði viljað. 

CIA sagði þinginu að þarna hefðu óundirbúin og sjálfsprottin mótmæli farið úr böndunum. 

En þarna voru ekki venjulegir mótmælendur á ferð.  

Heldur á annað hundrað menn með AK-47 hríðskotarifla, handsprengjur, litlar eldflaugar og íkveikjusprengjur.  

Og Petraeus er látinn hlaupa strax eftir kosningar til Obama og biðja um lausn.

Svo að hann fari nú ekki að segja þingnefndum frá því hvernig haldið var á málum eða hverju öðru?

Petraeus er sjálfur einn af stríðshaukunum og merkilegt að Obama skyldi setja hann yfir CIA.

Paula Broadwell var auðvitað engin ógn við öryggi Bandaríkjanna, það er aðeins fyrirsláttur.

Konan er fædd í íhaldsfylkinu Norður Dakóta norður við landamæri Kanada.

Hún er herforingjamenntuð í West Point og var major í njósnadeild landhersins og er enn undiroffursti í varaliðinu. 

Vann sem hermaður einkum á sviði öryggs-, hryðjuverka- og njósnamála og er einlægur hernaðarsinni.

FBI var löngu orðið ljóst að engin ógn stafaði af sambandi Petraeus og Broadwell.

Það hentaði hins vegar allt í einu að láta Petraeus hætta og þá var þetta mál notað til þess.

Og hver er skýringin á því að allt í einu þurfti hann að hætta?

Eric Holder dómsmálaráðherra Obama stjórnarinnar vissi líka af málinu frá því sumar. 

Annað hvort stóð Obamastjórnin fyrir því að Petraeus hætti eða hernaðarhaukarnir í Repúblikanaflokknum.

Það er meira en trúlegt að Obama hafi ekki viljað fara að skjóta eldflaugum svo rétt fyrir kosningar.

Á hinn bóginn skrítið að repúblikanir skyldu hætta tala um málið og þegja yfir því.

Hin skvísan Jill Kelley er hins vegar fædd í Líbanon. 

Slúðurdálkur í Washington segir að hún hafi þekkt tvo af þeim Rússum sem reknir voru í fyrra frá BNA fyrir njósnir.

Af hverju er ég ekki hissa? 

Hér er svo prýðileg samantekt Wikipedia um klúðrið í Benghazi, Obama og CIA þarfa margt að útskýra. 

Þangað til það verður gert er allt opið í þessum málum ennþá, nema það að hinar opinberu skýringar ganga ekki upp. 

http://en.wikipedia.org/wiki/Attack_on_the_U.S._diplomatic_mission_in_Benghazi

„Engar tilviljanir í njósnasögum“