Við slíku liggur dauðarefsing í Oklahoma fylki.

Þessi ógæfusami piltur getur átt  von á dauðarefsingu.

Oklahoma fylki í Bandaríkjunum hefur líflátið dauðadæmdan morðingja sem var 16 ára unglingur er hann framdi glæpinn. 

Og var síðasta fylkið til að lífláta einstakling er var unglingur er hann framdi glæp sinn.  ( 17 ára. )  

Árið 2005 bannaði Hæstiréttur Bandaríkjanna að lífláta þá sem voru unglingar, yngri en 18 ára, þegar þeir frömdu glæpinn.  

Oklahoma fylki í er svokölluðu biblíubelti og er með flestar framkvæmdar dauðarefsingar í BNA miðað við fólksfjölda.  

Næst á eftir Texas og Virginíu í fjölda framkvæmdra dauðarefsinga alls.  

Pilturinn er orðinn 19 ára og þau í Oklahoma líta ekkert til ungs aldurs hins meinta morðingja.

Verði hann sakfelldur getur hann átt von á dauðadómi nema hann sé vangefinn.  (Mentally retarded. )

Samkvæmt lögum Oklahoma er refsing fyrir morð af fyrstu gráðu; líflát, lífstíðarfangelsi án möguleika á reynslulausn eða lífstíðarfangelsi.

701.9 - Punishment for First Degree Murder - ...

A person who is convicted of or pleads guilty or nolo contendere to murder in the first degree shall be punished by death, by imprisonment for life without parole or by imprisonment for life..."

Til að dauðarefsing komi til greina þarf morðið að vera undir refsiherðandi kringumstæðum. 

T. d. að hinn ákærði sé meðvitaður um að hann sé að stofna lífi fleiri en eins manns í stórkostlega hættu.  

"§21-701.12. ... Aggravating circumstances shall be:

... 2. The defendant knowingly created a great risk of death to more than one person;..."

Vitni sögðu hinn meinta morðingja hafa rifist við báða hina látnu. 

Ef mildandi ástæður eru kemur dauðarefsing ekki til greina. 

"§21 701.11. Instructions Jury findings of aggravating circumstance.

... Unless at least one of the statutory aggravating circumstances enumerated in this act is so found or if it is found that any such aggravating circumstance is outweighed by the finding of one or more mitigating circumstances, the death penalty shall not be imposed.... 

Frá árinu 1976 hafa tólf konur verið líflátnar í BNA þar af 3 í Oklahoma.  

Síðasta aftaka í Oklahoma var núna í ágúst og var hún sú fjórða á árinu 2012.  

Í Oklahoma eru dauðarefsingar framkvæmdar með banvænni sprautu. 

Komist dómstólar að þeirri niðurstöðu að það sé ólögleg aðferð hefur fylkið sett undir þann leka.

Rafmagnsstólinn skal nota ef dauðarefsing með sprautu verður bönnuð.

Dauði af völdum byssukúlna frá skotsveit er aðferðin sem skal nota ef sprautan og rafmagnsstólinn verða bönnuð.

Því miður ekki að sjá að refsilögin þarna hafi aftrað morðingjanum að draga upp skotvopn.

Hörmuleg löggjöf bæði um skotvopnaeign og refsingar.   

 

Ofanritaðaðar lagagreinar eru úr  

"Oklahoma Statutes Citationized

Title 21. Crimes and Punishments

Chapter 24 - Homicide Section

Í annarri frétt á Mbl.is telur varðstjóri í lögreglunni í Tulsa ólíklegt að þetta sé dauðadómsmál.

Meðal annars þar sem hinn handtekni hafi mögulega ekki vitað að tveir væru í bílnum. 

Í blöðum í Oklahoma segja vitni að hinn handtekni hafi deilt við báða hina látnu.  

Lögregluvarðstjórinn veit samt meira um þetta en ég. 

Eitt af mörgu sem saksóknari getur fært fram í þessu sambandi eru áhrif málsins á fjölskyldur hinna látnu. 

Meintur morðingi Kristjáns handtekinn

Athugasemdir

[Jóhann Kristinsson, 12.9.2012 kl. 19:21]

Sé Það sannað og/eða játing að þessi ungi maður hafi myrt þessa tvo sem dóu, hvað finst þér Viggó að eigi að gera?

Ég hef mína skoðun; slík ómenni hafa ekkert að gera í samfélaginu, hvort sem það er innan eða utan fangelsis. Hvað er þá eftir, hrinda honum í tank fulla af sýru sem lætur skrokkinn hverfa "púff". Case closed.

Ef hinsvegar þessi ungi maður er fundinn saklaus, þá á að sýkna hann og Oklahoma ríki greiðir allan málskostnað og greiðir honum miskabætur $1 miljón fyrir hvern dag sem hann var látinn dúsa í fangaklefa. Að auki á Oklahoma ríki að biðjast afsökunar á þessum hræðilegu mistökum.

Það er nú bara svona að það eru til illmenni sem hafa ekkert að gera í okkar samfélagi og bezt að útríma þeim eins fljótt og hægt er áður en þeir geta gert fleirri illvirki.

Kveðja frá Las Vegas.

[Viggó Jörgensson, 12.9.2012 kl. 19:56]

Þakka þér kærlega fyrir innlitið og álit þitt Jóhann.  

Ég get verið sammála þér svo langt sem það nær. 

En það eru, að mínu mati, óyfirstíganleg vandamál samfylgjandi dauðarefsingum og þess vegna er ég á móti þeim. 

Fyrsta vandamálið er hvar á að stoppa?   Við getum tekið dæmi af Pétri og Páli sem báðir frömdu morð.

Glæpur Péturs þykir örlítið verri en Páls.

Hver treystir sér til að dæma Pétur til dauða en dæma Pál í ævilangt fangelsi. 

Í grófustu málunum væri vandalaust að dæma menn til dauða.  

En það er þegar kemur að þessari fínu línu, hver á að deyja og hver ekki?

Ekki treysti ég mér til að segja til um hvar hún liggur og er þess vegna á móti dauðarefsingum.  Ástæða eitt.

Í öðru lagi eru "flestir" þeir sem líflátnir eru í t. d. Texas, fyrst og fremst fátækt fólk sem ekki hefur efni á góðri lögmannsaðstoð. 

Í Bandaríkjunum eru menn EKKI jafnir fyrir lögunum.  Það er ástæða númer tvö til að vera á móti dauðarefsingum.

Í þriðja lagi eru þeir sem dæmdir eru til dauða allt of oft saklausir.  Ástæða númer þrjú. 

Sé hinn meinti morðingi sekur er hann þegar búinn að eyðileggja líf sitt.

Að dauðarefsingu slepptri fengi hann ævilangt fangelsi, án möguleika á náðun.  

Deyr í fangelsi, næg refsing að mínu mati og verri en dauðarefsing.   Ástæða númer fjögur.

Dauðarefsingar hafa ekki sýnt sig að því að minnka alvarlega glæpi.  Ástæða númer fimm. 

[Jóhann Kristinsson, 12.9.2012 kl. 21:04]

Vandamál #1; ef það eru ekki 100% sannanir fyrir að sakborningur hefur framið verknaðinn, þá á að náða þann sakborna með þeim bótum sem ég setti hér áður.

Ef sakborningur hefur játað ásökunum, eða eins og til dæmis í þessu máli þá lítur út fyrir að sakborningur hafi verið myndaður þegar þetta gerðist, þá skiptir ekki máli hvort að lögfræðingur sakborna er bezti lögfræðingur í Bandaríkjunum eða sá versti.

Þegar það er morð þá er ekkert gott morð eða vont morð, morð endar á sama hátt dauða. Þar af leiðandi er engin fín lína sem að þarf að fara yfir, dauðarefsing er dómsorðið. Ég treysti mér að gefa sökudólg dauðarefsingu.

Vandamál #2; eins og ég sagði hér áður þá skiptir það engu máli ef sakborningur er fátækur eða ríkur, ef sakbornigur játar verknaðinn þá verður hann dæmdur til dauða.

Ef sakborningur er á myndum þegar verknaðurinn er framinn, þá skiptir engu máli hvert sakbornigur er fátækur eða ríkur, dauðarefsing verður dómsorðið.

Vandamál #3; rétt hjá þér dauðarefsing á einum saklausum sakborningi, er einum of oft. En það hefur ekkert að gera með morðmál sem sakborningur játar eða er á filmu þegar verknaðurinn gerist.

Vandamál #4; ég hef bara engar áhyggjur hvort að sakborningur sem hefur játað eða sannað eins til dæmis á myndum þegar verknaðurinn er framinn, hvort að sakborningur hefur eyæilagt líf sitt eða ekki. Ekki hafði sakborningur áhyggjur yfir hvort sakborningur eyðilaði líf þolanda og fjölskyldu þolanda. Líf í fangelsi er ekki eins slæmt og þolandi varð að þola dauða. Ævilangt fangelsi, hvað þýðir það? Á Íslandi væri það 16 ár og út eftir kanski 8 ár af því að sakbornigur smjaðraði fyrir fangavörðum.

Vandamál #5; hvort sem dauðarefsing hefur fækkað morðum skiptir bara ekki nokkru máli. Ef sakborningur er fundinn sekur um morð og það er dauðarefsing í því umdæmi sem verknaðurinn gerist, guess what sakborningur verður tekinn af lífi.

Það má segja að dæma menn í fangelsi fyir þjófnað hefur ekki fækkað þjófnuðum til dæmis á Íslandi, heldur hafa þjófnaðir aukist. Á þá bara að hætta að hegna sakborningum fyrir þjófnað sem sannast hefur?

Kveðja frá Las Vegas.

[Viggó Jörgensson, 12.9.2012 kl. 22:09]

Sæll Jóhann.

Á Íslandi fá menn reynslulausn eftir helming af afplánun en eftir að hafa afplánað 2/3 í ofbeldismálum.

Í þessu máli í Tulsa ætla ég ekki að gera ágreining við þig.  

Meirihluti fólks í Oklahoma vill hafa dauðarefsingu og hún er þar samkvæmt lögum fylkisins.

Þessi 19 ára gamli piltur vissi væntanlega um dauðarefsinguna eins og aðrir fullorðnir einstaklingar í fylkinu. 

En það eru vond lög sem heimila almennan vopnaburð á skammbyssum.  

Valda miklu meiri hörmungum en þau afstýra.