Og hverjar eru þessar hættur?

Við hvetjum unga fólkið okkar til að afla sér þekkingar með vísindalegri aðferðafræði.

Kennum því að nýta þekkinguna til að taka skynsamlegar ákvarðanir.  Eða skynsamlegri ákvarðanir en fyrr.

Vísindin hvetja okkur til að endurskoða hlutina í sífellu.

Markmiðið er ekki að henda gömlum gildum, eða aðferðum, og alls ekki eingöngu af því að þau sé gömul.

Hin sífellda endurskoðun á að tryggja að ekki verði stöðnun í þekkingarleitinni. 

Þannig að stöðugar viðbætur við þekkingu okkar leiði til endurbóta og nýunga.

Sem hægt væri að taka upp, eftir að þær hafa sannað sig að því að vera betri en hinar gömlu.   

Eða það sem við köllum gagnlegar framfarir. 

 

Það er rétt að mikil umræða er um kannabisefni í netheimum unga fólksins. 

Það telur sig hafa fundið niðurstöður úr vísindalegum rannsóknum á háskólastigi.

Um að kannabisefni séu minna ávanabindandi en nikótín.

Og sumt af þessu unga fólki telur einfaldlega að sú heilsufarsáhætta sem fylgi notkun kannabis.

Sé ekki meiri en af því að nota reyktóbak og áfengi, sér til tilbreytingar.    

Þetta sama fólk vill ekki að ríkisvaldið ákveði, fyrir sig, hvora leiðina það fer.  

Ekki verður um það deilt að áfengi, reyktóbak, kannabis og önnur vímuefni valda fólki heilsufarstjóni. 

Ekki heldur að þau geta orsakað líkamlega og andlega sjúkdóma og leitt til  ótímabærs dauða. 

Best væri því að öll þessi efni yrðu bönnuð, rétt eins og önnur stórskaðleg efni s. s. asbest.

Íslensk stjórnvöld hafa reynt að banna áfengisneyslu með nákvæmlega engum árangri. 

Og bann við notkun annarra vímuefna hefur heldur ekki skilað árangri.

Óhætt er að slá því föstu að aldrei verður vímuefnum úthýst úr mannlegu samfélagi. 

Ekki með þessarri tegund af mannskepnu sem við erum.   

Það er rétt að óhófleg notkun á kannabisefnum veldur notandanum stórkostlegu tjóni. 

Það sama á við um notkun á reyktóbaki og áfengi. 

Um hóflega, og skaðlausa, langvarandi notkun er ekki að ræða.    

Það er rétt að neytendur kannabisefna hérlendis, virðast einnig frekar leiðast út í neyslu á sterkari efnum. 

Frekar en þeir sem eingöngu nota reyktóbak eða áfengi. 

Það er hins vegar ósannað að orsakirnar séu einhverjir eiginleikar kannabisefnanna.

Ástæðunnar er frekar að leita í þeirri staðreynd að sömu sölumennirnir selja kannabis og sterkari efnin. 

Það þýðir ekkert fyrir okkur að stappa niður fótunum og hamra á fordómum okkar. 

Í framtíðinni mun unga fólkið gera það sem því sýnist.

Enda við þá dauð úr löglegu ofáti, áfengisneyslu, hreyfingarleysi og reykingum.    

Okkur væri nær að hlusta og taka rökum um að skoða hvað það eina sem gæti horft til bóta. 

Við þurfum að kynna okkur reynslu Hollendinga og þeirra fylkja í BNA sem leyfa kannabisefni. 

Og endurskoða þannig afstöðu okkar.  

Niðurstaðan gæti verið sú að banna áfram notkun á kannabisefnum. 

Eða að ávæningur gæti verið að því að leyfa notkun þeirra, svo sem af fækkun glæpa.   

 

Áður en sala á bjór var leyfð hérlendis spáðu bindindispostular þjóðfélaginu beina leið í ræsið. 

Eða efnislega að vínmenning okkar myndi versna hrikalega með hörmulegum afleiðingum. 

Það gerðist einfaldlega ekki.   Áfengismenning okkar batnaði stórkostlega.  

Neysla á alkóhóli á mann jókst en ekki hefur verið kunngert að heildarheilsufarsskaði hafi aukist hjá þjóðinni.

Nema ef til vill nokkur árleg tilfelli af skorpulifur sem er auðvitað hörmulegt.

Ekki veit ég hvort að við Íslendingar munum, á næstunni, heimila notkun á kannabisefnum. 

En það er lágmarkskrafa að við skoðum þau mál, í heildarsamhengi, eins og upplýst fólk.

Sérstaklega er áhugavert, og eftirsóknarvert, hvort að heimild til notkunar kannabisefna myndi fækka glæpum.

Það er skoðunarinnar virði. 

 

Lögreglan hefur ekki, án þess að hafa til þess rökstudda ástæðu, heimild til að taka "smók" hjá reykingafólki.  

Segist fólk ætla í plati að reykja eitthvað til að tjá skoðanir sínar með friðsömum hætti. 

Þá eiga menn rétt til þess í friði fyrir lögreglunni.  

Og í friði fyrir okkur sem erum kannski annarrar skoðunar.

 

Undrandi á viðbragðaleysi lögreglu

Athugasemdir

[sveinn sigurður ólafsson (IP-tala skráð) 27.4.2012 kl. 12:34]

ég hef nú þekkt marga kannabis neytendur í meir en 20 ár.

og ég hef aldrei heyrt að stórkostlegur skaði fylgi af kannabis neyslu, hóflegri eða "óhóflegri"

NEMA frá fólki sem vinnur við forvarnir, eða pólítík, eða einstaka ræfli sem var að reyna koma sér í náðir þjóðfélagsins með að apa eftir hvað forvarnarfólkið var að segja.

og ég þekki fólk sem hefur reykt í 40 ár og meira..

[Viggó Jörgensson, 28.4.2012 kl. 05:01]

Farðu Sveinn Sigurður inn á visindavef.hi.is

Þar er prófessor Jakob Kristinsson með ágæta lýsingu á þessu.

Sem er algerlega í takt við það sem þeir segja hjá National institude on drug abuse. 

Í fyrsta lagi eiga allar þær hættur og heilsufarstjón sem hægt að fá af venjulegum reykingum.

Sameiginlegar með kannabis reykingum.  

Í öðru lagi er kannabis með ríkulegra magn af hinum ýmsu skaðlegu efnum en reyktóbakið. 

En ég er ekki að halda því fram að það eitthvað verra að reykja kannabis.

Heldur en að þamba áfengi og svæla í sig Camel.  Gæti mín vegna komið í sama stað niður.

Þó er greinilegra verra fyrir námsmenn að vera í kannabisinu. 

Og þá sem eru ekki komnir yfir tvítugt.  

Það sama má auðvitað segja um brennivínið en kannabisið er verra fyrir þessa hópa.