Össur var sá eini brotlegi.

Eina brotið sem átti sér stað, í stjórnsýslunni, í öllu þessu bankahruni. 

Var þegar Össur Skarphéðinsson tók sér vald viðskiptaráðherra nóttina sem Glitnir fell. 

Og mætti galvaskur í Seðlabankann, og sagðist fara með það vald, fyrir hönd Samfylkingarinnar. 

Það var tvímælalaust brot á stjórnskipuninni.  Það hefði átt að ákæra hann fyrir það.  

Það var fullframið brot, þó að viðskiptaráðherra og þingmenn Samfylkingarinnar samþykktu það eftir á. 

Við það tækifæri sagði Össur réttilega að hann hefði ekki hundsvit á neinu sem þar ætti að ræða eða gera.  

Og bar svo fyrir Landsdómi að hann hefði í Seðlabankanum hitt Davíð Oddson, það teldi hann sig muna.

En þar fyrir utan hefði í Seðlabankanum, þessa nótt að sögn Össurar, það helst borið til tíðinda. 

Að hann hefði dvalið drjúga stund á salerninu og haft þar erindi sem erfiði. 

Og á þessum raunastundum á salernisskál Seðlabankans hélt Össur fund. 

Með manni einum svo ágætum að hann gat gefið Össuri góð ráð um embættisreksturinn.     

Við að leysa þrautir þær, sem þar var við að glíma, þessa örlagaríku nótt í Seðlabankanum.     

En fyrir Landsdómi mundi Össur því miður ekki nafnið á þessum miskunnsama salernis Samverja.  

Og þennan þvætting var þjóðinni boðið að hlýða á.  Maðurinn sagðist ekki hafa vit á neinu og ekki muna neitt.

Þar fyrir utan hefði hann lesið eitthvað rit Seðlabankans um efnahagsmál en  ekkert skilið í því heldur.      

Og ekki stendur á Samfylkingunni að bjóða okkur uppá þennan vingul í ríkisstjórn.

Eða forsætisráðherra sem reglulega sver og sárt við leggur að hún muni ekkert af því sem sagt var við hana.

Á köflum sé hún svo gott sem heyrnarlaus og hafi aldrei heyrt af neitt af neinu sem kemur henni illa.

Sem er nú að verða flest hvað eina sem á daga hennar drífur.  Veit bara ekki hvaðan á hana stendur veðrið bara.   

Má mikið vera ef hún fer ekki að bera fyrir sig, að í rauninni sé hún hvorki læs né skrifandi. 

Sem ég fyrir mitt leyti mun þá ekki rengja.     

Það er aldeilis mannvalinu fyrir að fara í þessu landráðabæli sem Samfylkingin er orðin.   

Mjög mikið áfall fyrir Alþingi