Er líklega saklaus af morði.

Flest bendir til að George Zimmerman hafi verið ákærður um of í þessu máli.

Réttarkerfi Bandaríkjanna er, að sumu leyti, stórkostlega undarlegt á íslenskan mælikvarða.

Í máli þessu koma forseti, ríkisstjóri og saksóknari, sem allir eru kosnir í almennum kosningum.

Allir að reyna að fiska atkvæði út á málið sem er auðvitað stórkostlega óeðlilegt með tilliti til réttlætis og réttaröryggis.   

Enn vantar almenning upplýsingar um öll gögn málsins.

En það sem þegar hefur komið fram bendir til þess að saksóknarinn hefði átt að ákæra Zimmermann fyrir manndráp en ekki morð.

En það eitt af undarlegu hlutunum að þarna gæti Zimmerman orðið að semja um að játa á sig einhverja sekt. 

Til að losna undan stórkostlegri áhættu á að þurfa að verja stórum hluta af lífi sínu innan fangelsisveggja. 

Langt umfram það sem hann á skilið.  Af því að hann hafði ekki efni á að ráða sér lögmann strax.

Það endaði á að ðlögmaðurinn Craig Sonner tók að sér mál hans án þess að taka þóknun.

Svokölluð pro bono mál hjá lögmönnum.  Í þessu tilfelli af því að lögmanninum fannst málið áhugavert.

Hann réði hins vegar ekkert við málið og það var algert klúður frá sjónarhóli Zimmermans.

Eða þar til lögmaðurinn Hal Uhrig kom að því, sömuleiðis frítt. 

Hann sneri fjölmiðlafárið niður, en þá var það bara of seint.  Forsetinn og ríkisstjóri Florída komnir á atkvæðaveiðar. 

Allt úr af vanþekkingu og upplýsingaskorti almennings, og fjölmiðla, á málinu.

Zimmerman sjálfur var einnig alveg grænn í málinu og taldi lengi að málið hlyti að fjára út af sjálfu sér. 

Það var heilum mánuði eftir dauða Martin sem Zimmerman kom því loks á framfæri að Martin hefði ráðist á hann.  

Það er nefnilega ekki svo einfalt að Zimmerman hafi skotið lítinn og sætan ungling eins og myndirnar sýndu Martin. 

Trayvon Martin var orðinn 187 cm hár meðlimur í ruðningsliði skólans síns.

Zimmerman um 170 cm á hæð en 5 til 10 þyngri eða feitari.

Og framburður ýmissa vitna bendir til að það hafi verið Martin sem réðist á Zimmerman að fyrra bragði. 

Hefði það komist strax í fréttir hefði þetta aldrei orðið það þjóðarfár sem málið varð í Bandaríkjunum.  

Það er hins vegar hugsanlegt, og líklegt, að Zimmerman hafi farið offari í sjálfsvörn sinni. 

Að honum hafi jafnvel verið heimilt að skjóta Trayvon Martin. 

En ekki til bana.  

Þungavigtarlögmaðurinn Hal Uhrig kom að málinu frítt til að auglýsa sig og tókst það vel.

Hann og Sonner ætluðu hins vegar ekki að vinna frítt að málinu eftir að það kæmi fyrir dóm.

Þess vegna fann Zimmerman lögmann sem vildi vinna það alveg frítt til að auglýsa sig.

Honum tókst að finna lögmanninn Mark O´Mara sem byrjaði strax að tala um möguleika á að semja við saksóknara. 

Hann ætlar kannski ekki að leggja sig allan í málið frekar en hann þarf. 

Hann hefur þó fengið gögnin útilokuð frá fjölmiðlum og öðrum svo að þau verði ekki mistúlkuð af þeim. 

Og hann er búin að fá nýjan dómara í málið þar sem honum leyst ekki á hlutleysi þess sem átti að fá málið. 

Gæti samt endað á að hinn auralausi Zimmerman þurfi að játa á sig glæp sem hann framdi ekki.

Í viðbót við það sem hann gæti verið sekur um í raun og veru. 

Og sitja í fangelsi árum saman umfram það sem efni standa til. 

En í BNA er öllum sama um það.  

Almenningur og fjölmiðlar vilja sjá refsingu hvort sem til hennar hefur verið unnið eða ekki. 

Og þeir sem ekki hafa efni á góðum lögmönnum fá á baukinn eins og venjulega. 

Fjölmiðlar vestra hafa staðið sig hörmulega í fréttaflutningi af þessu máli og orðið að biðjast afsökunar.

Þeir létu þá hafa sig að fífli, sem hafa nánast atvinnu af því að kvarta yfir kynþáttamisrétti, með réttu og röngu. 

Martin var rekinn þrisvar úr skólanum á síðasta ári.  Fyrir að hafa kannabis efni í fórum sínum.

Einnig fyrir að úða málningu á skólalóðinni.  Þá leitaði starfsmaður skólans í tösku Martins. 

Og fann þar 12 stykki af skartgripum kvenna og eitt skrúfjárn.  Starfsmaðurinn taldi þetta þýfi.  

Það er annars ekki góð hugmynd að spranga um með skotvopn í Florida.

---------------

Lágmark 3 ára fangelsi, og þar þarf að sitja af sér hvern dag: (Engin náðun eða reynslulausn)

Fyrir að vera með byssu á sér við að hóta einhverjum líkamsárás. (Þó að byssan sjáist ekki.)

Fyrir að vera með byssu á sér við að flytja þýfi úr innbroti.

Fyrir afbrotamann sem er með byssu á sér yfirleitt, sama hversu ómerkilegt brotið er.   

--------------- 

Lágmark 10 ára fangelsi, og þar þarf að sitja af sér hvern dag: (Ekkert skilorð eða reynslulausn)

Fyrir að vera með byssu á sér (þó að hún sjáist ekki) þegar viðkomandi fremur:   

Morð, kynferðisglæp, rán, innbrot, íkveikju, líkamsárás, mannrán, leggur ólöglega á flótta, flugrán, misnotkun á barni, misnotkun á öldruðum eða fötluðum, tilræði með sprengju eða öðru tilræðistæki, bílrán, innbrot á heimili, ógnandi eftirför, verslun með fíkniefni.

Hafi byssa verið sjálfvirk þá er lágmarkið 15 ár.

Hafi viðkomandi brotið þessa löggjöf áður, og byssan í seinna brotinu sjálfvirk, þá er lágmarkið 20 ára fangelsi.

--------------

Lágmark 20 ára fangelsi, og þar þarf að sitja af sér hvern dag: (Ekkert skilorð eða reynslulausn)

Ef það hleypur skot af byssunni við framkvæmd á framangreindum brotum.

Skiptir þá engu máli hvort að skotið tengdist framkvæmd afbrotsins eða ekki. 

-------------

Lágmark 25 ára fangelsi, og þar þarf að sitja af sér hvern dag: (Ekkert skilorð eða reynslulausn)

Ef einhver deyr eða hlýtur alvarlegan líkamsskaða af völdum skotsins. 

Skiptir heldur engu máli hvort að skotið tengdist framkvæmd afbrotsins eða ekki. 

-------------

Það því ljós að menn eru í verulega vondum málum ef þeir teljast ekki hafa réttinn sín megin við notkun skotvopna.  

Sannist að Treyvon Martin hafi t. d. verið að berja hausnum á Zimmerman í gangstéttina, þá er Zimmerman líklega sloppinn. 

(Spurning hvort að sjúkraliðarnir í áhöfn sjúkrabílsins hafa tekið sýni af öllu úr sárunum.

Þar skiptir miklu máli hvort þar sást möl, sandur eða bara mold og gras.  ) 

Að minnsta kosti ef það sannast einnig að Martin hafi byrjað slagsmálin.  

En svo gæti Zimmerman fengið á sig alríkiskæru fyrir kynþáttaglæp en það er að verða langsótt. 

Zimmerman er hins vegar alveg dæmalaus auli, það er ljóst.  

Það heyrist á upptökum til neyðarlínu lögreglu að hann er nánast viss um að Martin sé afbrotaunglingur.

Og hann er mjög einbeittur í að þessi skuli sko ekki sleppa. 

Svo segir hann að Martin sé með höndina í vasanum og hann viti ekki hvað hann sé með í vasanum. 

Spurning hvort að hann hafi verið að búa til ástæðu til að geta skotið á Martin ef í harðbakkan slægi. 

Einnig spurning hvort að hann hafi verið að reyna að æsa Martin til að ráðast á sig. 

Að minnsta kosti ekki skrítið að Martin væri ekki hress með þessa eftirför Zimmermans. 

Hvort sem hann var dópaður eða ekki. Hvort sem hann var að skoða mögulega innbrotsstaði eða ekki.

Og hvað þá ef hann var einfaldlega að rölta alsaklaus heim í hús kærustu föður hans.  

Heildar vandamálið er hins vegar þessi byssudýrkun Bandaríkjamanna. 

Hér má sjá ágæta reifun á þessu merkilega máli: 

http://en.wikipedia.org/wiki/Shooting_of_Trayvon_Martin

Zimmerman segist saklaus