Sleppir ákærukviðdómi með því að ákæra fyrir morð af 2. gráðu.

Angela B. Corey fylkissaksóknari 4. umdæmis í Florída var skipuð sérstakur saksóknari í máli George Zimmerman.

Hún er þekkt fyrir að ákæra ekki fyrir morð af 1. gráðu til að sleppa við að nota ákærukviðdóm "grand jury".

Samkvæmt lögum Florída þarf ekki að kalla saman ákærukviðdóm ef "aðeins" á að ákæra fyrir morð af 2. gráðu.

Þó að Zimmerman sé greinilega alveg dæmalaus auli er ekki víst að hann sé sekur um morð. 

Málið er hins vegar orðið að pólitískri sápuóperu.

Þar sem forseti Bandaríkjanna og ríkisstjórinn í Flórida ætla báðir að græða á því nokkur atkvæði. 

Ekki eru öll sönnunargögnin í málinu komin fram fyrir almenningssjónir.

En hafi málið áður lyktað af því að hvítir lögreglumenn og saksóknarar vildu sópa því undir teppið.

Þá lyktar það hins vegar þannig núna að klína eigi morði á Zimmerman með öllum ráðum. 

Allt að einu er réttarkerfið í Bandaríkjunum stórlega gallað á mörgum sviðum. 

Til dæmis er þessi saksóknari kosinn í embættið eins og þar tiðkast sem er stórkostlegur galli.  

Mér varð andlega óglatt að horfa á neðangreinda sápu þegar ungfrúin tilkynnti ákvörðun sína. 

Þessi dama er greinilega á leiðinni í stjórnmálin og ætlar að nota sér málið í þeim tilgangi.

http://globalgrind.com/news/angela-corey-holds-live-news-conference-trayvon-martin-case-live

Zimmerman úrskurðaður í varðhald