Alveg ferlega lélegt bara.

5% fylgi, missti Sjálfstæðisflokkurinn þegar Þorgerður Katrín Gunnarsdóttir settist aftur inn á Alþingi. 

En það eru fleiri sem eiga að hætta en hún.

Helmingur þingflokksins er ennþá að reyna að verka af sér mýrina úr spillingarfeni hrunsins.

Og ekkert gengur.

Og þessu fólki er fyrirmunað að skilja að það gerir flokknum sínum mest gagn með því að hverfa af vettvangi.

En þetta fólk er ekkert að hugsa um flokkinn sinn og var heldur aldrei að því.

Þá hefði það ekki lent í þeim slæma félagsskap sem haft hefur af þeim hina pólitísku æru. 

Sem þau gerðu í braskinu fyrir sig og sína.  

Það er nánast fyndið að Framsóknarflokkurinn er eini flokkurinn sem hefur hreinsað út hjá sér þingflokkinn.

Nema Siv blessaða sem fékk reyndar ekki að vera með í spillingunni hvort sem er. 

En það er hins vegar ekkert gaman fyrir almenna flokksmenn í Sjálfstæðisflokknum, Samfylkingu eða VG. 

Að þar sé hvorki búið að hreinsa út þá sem ekki hafa flekklausan feril.

Eða útbrunna stjórnmálamenn frá tímum kalda stríðsins.  Pólitískt rusl eins og Össur, Jóhönnu og Steingrím. 

Ef fjórflokkurinn sýnir ekki vilja í verki að hreinsa til hjá sér.

Á hann skilið að deyja drottni sínum. 

38% fylgi Sjálfstæðisflokksins, undir lélegustu ríkisstjórn sögunnar, er hörmulegur árangur.

60% fylgi í skoðannakönnun væri eðlilegra.

Bara að Davíð kæmi nú aftur. 

 

„Erum í góðri stöðu“

Athugasemdir

[Sigurður Haraldsson, 2.4.2012 kl. 23:31]

38% er með öllu óskiljanlegur andskoti sama hvernig á það er litið!

[Vilhjálmur Stefánsson, 2.4.2012 kl. 23:53]

Bjarni Ben er ekki sá maður sem getur leitt Sjálfstæðisflokkinn,hann er því miðu ekki neinn mælskumaður og hefur ekki traust hjá þeim sem hafa ekki rétt á að sitja Landsfundi Sjálfstæðismanna..

[Anna Sigríður Guðmundsdóttir, 3.4.2012 kl. 00:35]

Sjálfstæðisflokkurinn og aðrir spillingar-stjórnmála-svikaflokkar ættu að ganga hægt um gleðinnar dyr og gæta að sér, vegna þeirra blekkingar skoðanakannana, sem kostaðar eru af fjárglæfra-stofnunum. Þeir ættu að gæta að því sem þeir voga sér að ljúga að rændri og svikinni alþýðunni, til að blekkja! 

Það verður að gagnrýna og ráðleggja hverju villuráfandi og blekktu fullorðnu barni, í góðri meiningu. Svo er það val þeirra sem ráðleggingarnar fá, hvað þau gera með vel meintar ráðleggingar. Þessu er hér með komið á framfæri í nafni réttlætis og sanngirni.

Það hefur engan tilgang, að hlusta á siðblint kúlulána-vafninga-spillt embættisfólk, sama hvar í flokki það finnur sinn aftöku-blóðvöll siðblindu-græðginnar ólýðræðislegu. Það fólk er of sjálfhverft, eigingjarnt og ó-fórnfúst, til að geta varið hagsmuni heiðarlegrar alþýðunnar, rændu og þrælandi, sem þó er þvinguð, í lagaklækja-svikaskjóli fjárglæfrafyrirtæka, til að borgar launin og svikin þeirra.

Hef ekki meir að segja um þessi spilltu hirðfífls-skrípalæti heimsmafíu-sérréttinda-fólksins, og fullorðinna barna gömlu klíku-stjórnmála-þrælanna. Þeim er hreinlega vorkunn, sem ekki þekkja eða skilja sáran raunveruleikann og sinn siðferðislega vitjunartíma.

Þeir eru sjúkastir, sem ekki sjá sjálfir hversu siðblindir þeir eru. Heilbrigðir kunna að skammast sín fyrir afglöpin sín, og biðjast afsökunar á sínum, oft skiljanlegu, og mannlegu feilsporum, og reyna eftir fremsta megni að finna rót vandans, og upplýsa kerfisvilluna sem orsakaði ruglið.

M.b.kv.

[Viggó Jörgensson, 3.4.2012 kl. 01:25]

Bjarni er svo sem besti drengur Vilhjálmur. 

En forysta hans er ekki sannfærandi.

Hann var byrjaður að daðra við Evrópusambandsaðild. 

Nóttina sem Glitnir féll, var hann með Illuga Gunnarssyni

hjá Jóni Ásgeir og fylgifé uppí Síðumúla í höfuðstöðvum FL Group. 

Hvern andskotann voru þeir að gera þar?

Og í þjónustu hvers?

Það var ekki fyrir fólkið í landinu eða hinn venjulega sjálfstæðismann, svo mikið er víst. 

Menn sem hafa svo mikið sem sést með Jóni Ásgeir, á götu, eiga ekki að koma nálægt stjórnmálum meir.

[Ásthildur Cesil Þórðardóttir, 3.4.2012 kl. 23:27]

Já sammála það þarf að hreinsa út gömlu samtryggingarseggina af báðum kynjum, sem hafa myndað með sér bandalag um að verja hvor annan þó þeir sýnist rífast í ræðustól.  á gera þeir allt til að halda völdum, hvor af fjórflokknum sem er við völd.  Nú þarf að hreinsa út....

[Viggó Jörgensson, 4.4.2012 kl. 13:32]

Já þakka þér Ásthildur.

Það er að sjálfsögðu hið ágætasta fólk í öllum flokkum.

Sem vill þjóðinni allt hið besta og reynir að vinna að í góðri trú.

En það verður að skilja hina nýju tíma og hinar nýju kröfur. 

Það er lágmarkskrafa að einungis flekklaust fólk sé í forystu stjórnmálaflokka.

Einungis flekklaust fólk sem boðið er fram. 

[Ásthildur Cesil Þórðardóttir, 4.4.2012 kl. 13:36]

Nákvæmlega.

[Sigurður Haraldsson, 4.4.2012 kl. 23:34]

Samála ykkur Bjarni Ben er ekki hæfur forystumaður!