Ef þú veist aldrei neitt, segðu þá af þér maður.

Össur er ekkert að skafa utan af fáfræði sinni á þjóðþrifamálunum frekar en fyrri daginn.

Bara aldrei heyrt um krosseigna eitt, né neitt, í bönkunum.

Man þó að hann hitti Davíð í Seðlabankanum og eftir notalegu spjalli á klósettinu, þó ekki við hvern.

Vonandi gerðist ekkert alvarlegra og fleira, sem elsku drengurinn man ekki eftir, á þessu klósetti.

Og man einnig að svilkonan Ingibjörg Sólrún hafi neitað að Björgvin kæmi nærri Glitniskaupunum.

Næg væru vandræðin samt að þurfa að senda Össur lausmálugan eins og lek hlandskál.

Hvernig Össuri dettur svo í hug að hann sé fær um að vera ráðherra vitandi aldrei neitt er svo alveg furðulegt.

Ekki var svo í Landsdómi, heilsufarið betra á Jóhönnu blessaðri. Þekkti þó Geir Haarde aftur.

Hún hafði bara verið alveg áhyggjulaus, og róleg, frá því í maí mánuði árið 2008.

Og allt þar til kvöld eitt í október að gleymst hafði að slökkva ljósin í stjórnarráðinu.

Hún væri gagnkunnug riti Seðlabankans Fjármálastöðugleiki og las einmitt í því riti í maí mánuði það árið.

Þar sem Seðlabankinn sagði, eins og allir seðlabankar í heiminum, "...að fjármálakerfið væri í meginatriðum traust..."

Annað hvort lauk þá lestrinum hjá Jóhönnu eftir þessar fyrstu tvær setningar í formála ritsins.

Eða hitt að hún er ekki fjármálalæs.

Og var vissulega frjálst að vera fáviti í efnahagsmálum eftir 30 ár á Alþingi.

En að treysta sér samt í stól forsætisráðherra á einhverjum erfiðustu tímum þjóðarinnar.

Og að hafa síðan aðeins náð sýnilegum árangri í einu máli.

Sem var að fela konfektið fyrir frú sinni. En man hún hvar?

Í formálanum, í þessu riti Seðlabankans Fjármálastöðugleiki, maí hefti 2008.

Er allt morandi í fyrirvörum og aðvörunum.

Þeir geta séð það hér sem eru orðnir stautlæsir eða meir:

http://www.sedlabanki.is/lisalib/getfile.aspx?itemid=5982

Svo verður fróðlegt að heyra til Ingibjargar Sólrúnar í næstu viku.

Ingibjörg getur þó framvísað læknisvottorði frá þessum tíma.

En hvaða afsökun hafa Össur og Jóhanna?

Að þau hafi bara fæðst svona?

Eða lent í slysi?

Össur vissi ekki um tengslin

Athugasemdir

[Sólbjörg, 10.3.2012 kl. 08:01]

Stirðna upp yfir þeirri staðreynd að það er raunveruleiki að Össur er utanríkisráðherra landsins og Jóhanna forsætisráðherra. Sambærileg skelfing og ef tilkynnt væri í fullri flugvél að þau tvö væru flugstjórar vélarinnar.

[Viggó Jörgensson, 10.3.2012 kl. 12:42]

Enda hefur Jóhanna ráfað um eins og vofa í sprengjulosti eftir hrunið.

Í sams konar áfalli og gert sams konar gagn og ítalski skipstjórinn sem "datt" í björgunarbátinn.  

Hún fékk einhvers konar taugaáfall eftir að hún varð forsætisráðherra og lokaði nánast að sér. 

Össur er hins vegar alveg í öðrum heimi og hefur gengið bísperrtur og brosandi eins og að allt væri í himnalagi. 

Manstu eftir myndinni af honum á milli Dómkirkju og Alþingis undir eggjakasthríðinni?

Það var fullkomlega hamingjusamur maður á ferð í einhverjum öðrum heimi en hinir. 

[Sólbjörg, 10.3.2012 kl. 13:48]

Það eru einhverjar efnafræðilegar formúlur að verki í heilanum á Össurri sem valda því að hann er viðvarandi í öðrum heimi en fólk er flest.

Það sem er eiginlega verra en ástandið á æðstu ráðamönnum þjóðarinnar er að fjölmiðlamenn hafa eins og fallið í dásvefn, eina snerpan sem er að finna og kastljós á ástandið eru skrif bloggara (Útvarp Saga undanskilið) Meira að segja blaðamenn mbl.is eru farnir að skrifa fyrirsagnir og flytja fréttir eins og þeir séu á fullum launum sem fjölmiðlafulltrúar ríkisstjórnarinnar. Hvaða gerðist???????

[Viggó Jörgensson, 10.3.2012 kl. 14:43]

Á Mogganum eru lúmskir en öflugir ESB sinnar, ég hef tekið eftir því. 

Og á mbl.is er samfylkingarfólk sem reynir að stýra lestrinum um afrek ríkisstjórnarinnar.

Aftur og aftur koma fréttir af því sama, hafi þau úr Samfó, ekki komið nógu vel út úr þeim fyrri.