En af hverju ekki þá sem gista heima, Steingrímur?

Þetta er auðvitað ekkert nema linkindin hjá Steingrími mínum.

Að sleppa þeim við skatt sem sofa í svefnpokaplássi á farfuglaheimilum eða í leitarmannaskýlum.  

Þar sem sú gisting er ódýrari en á Sögu, ættu svefnpokamenn að greiða heldur 200 kr. skatt. 

Að ekki sé nú minnst á þessa sem sofa bara heima hjá sér.

Þeir ættu auðvitað að greiða 300 kr. á nóttu. 

En þeir sem eru að heiman, út af vinnunni,  eins og Steingrímur minn sjálfur. 

Hann á lögheimili á Gunnarsstöðum í Þistilfirði.

Þeir eiga auðvitað ekkert að greiða.  

Vona að Steingrímur minn fái örugglega allar landsbyggðauppbætur þingmanna utan af landi.  

Þar sem hann hefur þurft að dvelja hér allar götur eftir stúdentspróf, einhvern tímann á síðustu öld.   

Vona að systkin hans séu ekki að gramsa of mikið í herberginu hans á Gunnarsstöðum. 

Þar hlýtur allt að vera óhreyft á meðan hann skreppur svona af bæ.

Gagnrýnir ferðaþjónustuna harðlega

Athugasemdir

[Halldór Jóhannsson, 24.12.2011 kl. 13:10]

Þegar ég var var að vinna tímabundið útá landi(á frábærum stað og verður alltaf topp nr.1)

var ÞRÝST á mig til að skipta um lögheimili, úr því að það var gert,sagði ég nei,og fékk reisupassann í staðinn....

Skrítið að þetta Alþingislið skuli ekki þurfa flytja sitt lögheimili til rvk(í Alþingishúsið,hehe)

Tala ekki um þá ,td Sigmund Erni,G-Steingríms sem flytja það spes útá land....eingöngu til þess að fá meira á spenann sinn:(

Jólakveðjur...

[Viggó Jörgensson, 25.12.2011 kl. 14:31]

Sæll Halldór og gleðileg jól.

Hér að neðan er hlekkur á reglur um þingfararkaup.

Eins og þú sérð eru þær ekki opnar eða gegnsæjar, eins og ríkisstjórnin boðaði. 

Þannig getur maður ekki áttað sig á greiðslum skv.  6. gr. um húsnæðis- og dvalarkostnað, skv. 7. og 8. gr. um ferðakostnað,

eða skv. 9. gr. um starfskostnað.  

Þetta á auðvitað að vera birt, nákvæmlega sundurliðað á þingmann, á heimasíðu Alþingis.  

Og óskiljanlegt að hverju það er ekki gert. 

Nema auðvitað að það þoli ekki birtingu.  

http://www.althingi.is/lagas/nuna/1995088.html