Hálka í beygju og ónotuð öryggisbelti.

Norskir fjölmiðlar segja að hálka hafi verið í beygjunni þar sem rússneska rútan valt út af veginum.

Rútan er ekki aflöguð en sumir farþegarnir voru fastklemmdir inni í rútunni.

Það er því augljóst að þeir hafa ekki notað öryggisbelti. 

Farþegar í rútum eru öruggastir allra í umferðinni. 

Svo fremi að þeir noti öryggisbelti. 

Öryggisbelti koma í veg fyrir að farþegar fljúgi út og lendi undir bifreiðinni.

Eða hendist langar leiðir inni í henni og skaði bæði sjálfa sig og aðra farþega.  

Vissulega eru þriggja punkta öryggisbelti betri en tveggja punkta.   

Þar munar mestu um háls og höfuðskaða er farþegar kastast á sæti fyrir framan sig.

Eða reka höfuðið í höfuð annarra farþega, gler eða gluggapósta.

Þau meiðsli eru yfirleitt minniháttar miðað við þau er hljótast af því að fljúga langar leiðir.  

Volvo verksmiðjurnar gera kvikmyndir af tilraunum sínum með veltur og árekstra. 

Þar eru brúður í sömu stærð og farþegar ýmist með öryggisbelti eða án þeirra.

Á slíkri mynd af veltu er bæði skelfilegt að sjá hvernig farþegi hendist um allt farþegarýmið. 

Og ekki síður hvernig hann hendist á aðra er sitja í sætum sínum fastir í öryggisbeltum.  

Að nota ekki öryggisbelti er bæði tilræði við viðkomandi sjálfan og ekki síður aðra í ökutækinu. 

Hér er myndskeið úr farþegarými í veltu: http://www.youtube.com/watch?v=rww9oFNoNi8

Einn lést í rútuslysi í Noregi