Brostin augu í boði Schengen og ESB.

Fyrir áratug tróðum við nokkrir, karlar af kútmagakvöldi, inn Aðalstræti. 

Förunautar voru lögmenn að kanna hagi skjólstæðinga í hvunndagslífinu.  

Staðkunnugur steðjaði inn Fishersund, hvar kasta skyldi mæðinni um sinn.

Það reyndist vera nektarbúlla, hvers nafn ég lagði ekki mig.

Þar sátu með veggjum kviknaktar stúlkur frá Balkanlöndum og nærsveitum. 

Milli þess sem þær stigu nektardans í sal, sem frægt er orðið. 

Nokkru síðar fjölluðu dómstólar um dansæfingar þessar.

Og skýrir skoðun lögmanna á málsatvikum.      

Þegar þarna var komið, inn í nóttina, var ég orðinn allsgáður af öli kútmagakvöldsins. 

Og ömurleikinn blasti við. 

Þessar stúlkur voru með brostin augu þó þær kreistu fram sín gervibros.

Það var augljóst að þær langaði til að vera einhvers staðar.

En alls ekki þarna. 

Hef ég ekki litið, með eigin augum, meiri mannlegri eymd og niðurlægingu.     

Og þó ég kunni margt betur en að skammast mín.

Þá gerði ég það þarna.    

Síðar ræddi ég þessi mál við kunningjakonu. 

Er hefur sem lögmaður reynt að styðja við slíkar dansmeyjar.  

Og fékk hjá henni það sem vantaði. 

Upp á þekkingu mína á þessum málaflokki.

Alþingismenn hafa greitt götu mansals á Íslandi.

Alþingismenn gengu í Schengen fyrir stórkaupmenn með fólk og fíkniefni.  

Hvað alþingismenn hafa gert fyrir þessar stúlkur veit ég ekki. 

En þeir vilja að minnsta kosti hafa þetta svona.  

Vera í Schengen og ESB til viðbótar.

Hvers vegna vildi Kolbrún Halldórsdóttir, alþingsmaður og ráðherra. 

Banna opinberum starfsmönnum að kaupa sér vændisþjónustu?  

Af hverju eru sumir alþingismenn svo hrifnir af evrópskri spillingu?  

 

 

  

Tvær nektardansmeyjar sviptu sig lífi

Athugasemdir

[Guðjón Sigþór Jensson, 6.10.2011 kl. 18:22]

Að tarna er skrýtin þula.  Er þér eitthvað illa við Kolbrúnu Halldórsdóttur? Ætli hún hafi ekki gjarnan vilja láta gott af sér leiða? Sannfærður er eg um það enda skorti hana ekki þá góða kosti sem góðan þingmann/þingkonu og baráttumann/baráttukonu fyrir mannréttindum/kvenréttindum.

Góðar stundir!

Mosi

[Viggó Jörgensson, 6.10.2011 kl. 22:14]

Prófaðu Mosi að þylja hana aftur með öðrum hryjanda. 

Og sjá hvort þú ert ekki eitthvað að misskilja mig. 

Ekkert veit ég annað en að Kolbrún Halldórsdóttir sé hin elskulegasta manneskja sem öllum vill vel.  

En hvað veit hún um vændismál opinberra starfsmanna?

Hún var ráðherra í fyrri útgáfunni af þessari ríkisstjórn.  

Voru samstarfsmennirnir svo djúpt sokknir í vændiskaup.

Að ástæða væri til að banna það með lögum, eins og hún lagði til?

[Guðjón Sigþór Jensson, 6.10.2011 kl. 23:06]

Ætli fyrri ríkisstjórnir hafi ekki talið þessi vændismál ekki ver í góðu lagi? Alla vega blómstraði þessi starfsemi í ríkisstjórn Sjálfstæðisflokks og Framsóknar. Þó ýmsir hefðu athugasemdir töldu forystusauðirnir þá allt í góðu lagi. Gott ef Gunnar Birgisson hafi ekki látið þetta veita á gott í atvinnumálum Kópavogsbæjar.

Góðar stundir!

GJ (Mosi)