Þetta er aðferð til að forðast blóðbað.

Það hefur verið alveg ótrúlegt að fylgjast með þróun mála í Líbýu síðustu sólarhringa.

Sjálfstjórn uppreisnarmanna hefur verið aðdáunarverð miðað við að þetta eru flokkar frá mismunandi svæðum og ættbálkum. 

Þjóðarráðið sem hefur stjórnað uppreisninni gegn Gaddafi hefur stjórnað málum af þekkingu og snilld. 

Nú hafa þeir augljóslega sleppt sonum Gaddafi, fyrst Muhamed og nú Saif al-Islam (Sverð Islams).

Þetta hafa þeir gert til að freista þess að þeir komi einhverju viti fyrir snargalinn föður þeirra. 

Fá hann til að þiggja boð Angóla um að fá þar hæli.  

Þannig væri hægt að forðast frekari blóðsúthellingar á uppreisnarmönnum og hermönnum Gaddafi.

Gaddafi sjálfur er nægilega geggjaður til að nota eiturefni og hvaðeina sem hann kann að hafa í fórum sínum. 

Þjóðarráðið hefur að minnsta kosti rökstuddar ástæður fyrir þessari aðferð sinni. 

Að vestrænum þjóðum ljúga þeir því sem hentar hverju sinni eins og tíska er í þriðja heiminum.  

 

 

Óvænt útspil sonar Gaddafis

Athugasemdir

[el-Toro, 23.8.2011 kl. 14:49]

NATO hefur unnið gott starf í samstarfi við uppreysnaröflin í Líbíu.

ef NATO hefði "aðeins" gætt flugbanns yfir Líbíu og skotið aðeins á þau skotmörk sem hefðu skotið á þá, hvernig heldurðu að ástandið væri í Líbíu núna???

á skalanum 1 - 10, hvernig mundirðu skilgreyna mikilvægi NATO í Líbíu???

[el-Toro, 23.8.2011 kl. 14:57]

ps.  ég er ekki stuðningsmaður Gaddafi né annarra einræðisherra sem ríkt hafa í heilu áratugina.  en ég set ávalt spurningarmerki við ívílun hins vestrænna heims í málefnum þriðja heimsins.  það hef ég einfaldlega lært af sögunni.

hefurðu lesið þér til um áform Líbíu (áður en NATO kom til skjalanna) um að selja olíu í Dinar (gjaldmiðli Líbíu) og tengja gullforða sinn við Dinar.  mér skilst að þetta hafi farið mikið fyrir brjóstið á bandaríkjamönnum...sérstaklega olíufurstunum.  en ég á svo sem eftir að lesa mér betur til um allt þetta.  en þarna átti að hefja viðskipti án viðkomu dollars eða evru....og á svo mikilvægri vöru sem olía er.  eðlilegt að usa yrði brugðið, hvað þá evrópusambandinu sem kaupir 45% af allri olíu sinni frá Líbíu (áður en NATO kom til skjalana).  kaupa kannski meira af þeim á góðum díl eftir að Gaddi er loks farin frá völdum ;)

[Viggó Jörgensson, 23.8.2011 kl. 22:42]

Frá því að mótmælin hófust í Líbýu í febrúar þar til nú í ágúst að uppreisnarmenn hafa ráðist inn í stjórnarhverfið í Tripoli.

Á að það gerðist á þessum hraða þýðir fyrir mér að mikilvægi NATÓ hafi verið svona 8-9.

Ekki að það skipti neinu máli hvað ég held um það, en þú spurðir.

Ég er sammála þér í að skoða allt sem vesturlönd gera í þriðja heiminum með mjög gagnrýnu hugarfari

og gæta vel að því sem að baki býr.

Það er ljóst að gull er eini gjaldmiðillinn sem hefur haldið í við olíuna á heimsmarkaði síðast liðinn áratug.

Það þarf ekki mikið hugmyndaflug til að sjá að slíkar hugmyndir vekji ekki alls staðar hrifningu.

Að tengja olíuverð við gull.