Þetta eru garpar og járnkallar. Forsetinn fari austur og þakki þeim.

Stundum hættir manni til að leggja nokkra trú á garpskapinn í fornsögunum.

Það er þegar maður kynnist görpum eins og voru lengstum í línuflokkum Landsvirkjunnar og RARIK. 

Sem fóru í allra verstu verðrum upp á hálendið þegar við hin urðum rafmagnslaus á nærhaldinu heima.  

Og garparnir hafa vissulega verið víðar bæði til sjávar og sveita. 

Og nú höfum við eignast nýjar hetjur í brúarflokkum Vegagerðarinnar. 

Það hafa þeir áreiðanlega alltaf verið en er okkur nú betur ljóst. 

Það væri við hæfi að forsetinn, og frú, skelltu sér austur með vínarbrauð og þökkuðu þessum mönnum fyrir hönd okkar allra.

Múlakvísl veitt undir brúna í dag

Athugasemdir

[Axel Jóhann Hallgrímsson, 15.7.2011 kl. 13:10]

Tek heilshugar undir þetta.

[Hilmar Þór Hafsteinsson (IP-tala skráð) 15.7.2011 kl. 15:00]

Já, þá riðu nú hetjur um héruð, Viggó minn.

Forsetinn gæti jafnvel verið að skenkja hetjunum þínum vínarbrauð og randalín í þessum rituðu orðum ef Vegagerðin hefði staðið við sólarhringsvaktafyrirkomulagið góða.

Hetjurnar þínar eru búnar að sofa frá sér samtals 28 klst á þessari tæpu viku - en Vegagerðin á heiður skilið fyrir það klúður eins og öll hin.

[Viggó Jörgensson, 15.7.2011 kl. 18:57]

Þakkir fyrir innlitið strákar.

Mér skilst Hilmar að takmarkandi þátturinn í þessari framkvæmd hafi verið niðurrekstur strauranna. 

Við það var unnið allan sólarhringinn. 

Það hefði engu breytt þó að við hina verkliðina hefði verið unnið dag og nótt.

Þetta er kallað að finna bundnu leiðina og flöskuhálsinn

í þeim fræðum þar sem menn setja upp Gnatt rit og svoleiðis fínerí.