Verðum sjálf að eiga álverin - hagnaðurinn alltaf úr landi.

Það er auðvitað frábært að einhverjir hafi atvinnu í álverum og járnbræðslum.

En það er alveg fráleitt að hálfgefa útlendingum orkuna til þess. 

Joseph  Stiglitz nóbelsverðlaunahafi skammaði okkur árið 2001 fyrir að skuldsetja okkur til að kaupa jeppa. 

Við ættum að nýta erlent lánsfé til atvinnusköpunar.  

Hvað rugl er það að bandarískur lögfræðingur komi hingað að setji upp álver. 

Af hverju gerum við það ekki sjálf? 

Þá rynnu tekjurnar ekki endalaust úr landi eins og nú er. 

Raforkuframleiðsla tvöfölduð

Athugasemdir

[Jón Steinar Ragnarsson, 15.4.2011 kl. 16:14]

Ef menn virkja hvern læk og sprænu hér á landi og nýta hvert einasta watt í álframleiðslu, þá skapast atvinna fyrir 2% vinnuafls á íslandi. Það er nú ekki meiri atvinnubót en það. Hagnaður af raforkusölunni dugir svo varla til að borga vexti af þeim virkjanafjárfestingum sem ríkið leggur í fyrir þetta. Álver hafa bara hrúgað upp skuldum fyrir okkur og eru ein ástæðan fyrir því hve veik við erum fyrir öllum efnahagssveiflum. Raunar má rekja ástæður hrunsins að miklum hluta til þessa glæfraspils. Það tekur einhver árhundruð fyrir ríkið að endurheimta kostnaðinn af hverju starfi.

[Jón Steinar Ragnarsson, 15.4.2011 kl. 16:15]

Þ.e. ef miðað er við skatttekjur af hverju einstöku starfi.

[Bjarne Örn Hansen (IP-tala skráð) 15.4.2011 kl. 16:21]

Sammála, álverin voru og eru einskis verð þegar litið er á þetta sem atvinnuveitendur.  Nær væri að huga að því að eiga orku til vara, til annarra þátta.  Ég rakst hér á blogg, þar sem bent var á að hraun á íslandi hefði títan, sem í dag er erfitt að vinna.  En í framtíðinni væri hægt að vinna, og til þess þarf Ísland að eiga orku.

[Jón Steinar Ragnarsson, 15.4.2011 kl. 16:29]

Það var Haraldur Sigurðson okkar heimsfrægi eldfjallafræðingur, sem ritaði um það. Raunar eru allir okkar svörtu sanar stappfullir af þessum málmi, sem verður bara dýrari með hverju ári.

[Sigurður Haraldsson, 16.4.2011 kl. 08:33]

Flott að einhverjir sjái vankantana á þessari hugmynd að virkja allar ár og sprænur með hörmulegum afleiðingum fyrir þjóðarbúið.

[Viggó Jörgensson, 16.4.2011 kl. 13:27]

En menn geta huggað sig við að álverin verða jöfnuð við jörðu einn góðan veðurdag.

Það verður þegar við getum nýtt raforkuna í eitthvað arðbærara. 

Selja hana úr landi með sæstreng þegar sú tækni batnar.