Flugstjóranum var skipað að lenda.

Her Póllands útvegaði flugmennina í þetta feigðarflug.

Ekkert skyggni var til að lenda á flugvellinum. 

Flugumferðarstjórar höfðu sagt flugmönnunum að ekki væri ráðlegt að lenda þar.

Á upptökum úr flugstjórnarklefanum heyrast tvær raddir sem skipuðu flugmönnunum að lenda.

Þá þegar höfðu þeir gert tvö aðflug þar sem þeir sáu hvorki fram á við, né niður, sem nægði til lendingar. 

Í þriðju tilraun fóru þeir niður fyrir lágmörk og sáu samt ekki til.

Brotlentu svo þegar þeir áttu enn nokkur hundruð metra að flugbrautinni.   

Um borð í vélinni voru forseti og helstu höfðingjar Póllands, úr kirkju, her og stjórnmálum.

Hverjir þeirra voru svo vitlausir að skipa flugstjóranum á jörðina, vitum við ekki. 

Það var þurrkað út af spólunum. 

Hitt er ljóst að hermaðurinn hlýddi yfirboðurum sínum.  

 

Ár frá flugslysinu í Smolensk