En var hann það ?

Það er aðeins hálf sagan sögð að segja okkur að blaðamaðurinn hafi ekki réttarstöðu grunaðs manns. 

Úr því að Mbl sagði að svo hefði verið, þá vakna spurningarnar: 

Var blaðamaðurinn einhvern tímann með réttarstöðu grunaðs manns?  

Hafði á einhverjum tímapunkti verið tekin ákvörðun um að hann fengi hana en svo hætt við það?

Blaðamennina og málið sjálft þekki ég ekkert. 

Ekki með réttarstöðu grunaðs

Athugasemdir

[Elvar Geir Sævarsson (IP-tala skráð) 1.2.2011 kl. 12:59]

Æ hættu þessu rugli.

[Baldur Hermannsson, 1.2.2011 kl. 14:10]

Hafi Agnes það eftir áreiðanlegum heimildum að þessi blaðamaður sé grunaður um aðild, þá er skiljanlegt að hún greini frá því. En það er alvarlegra mál að slá því fram að hann hafi "réttarstöðu grunaðs manns" ........ þá væri hans mál komið á allt annað og alvarlegra stig, og sé þetta rangt verður Agnes að draga fullyrpingu sína til baka og biðjast velvirðingar.

[Viggó Jörgensson, 2.2.2011 kl. 00:09]

Sammála því Baldur.

Spurningin er bara hver var staðan þegar Agnes var að vinna fréttina. 

[Baldur Hermannsson, 2.2.2011 kl. 09:39]

Mbl. baðst afsökunar í dag .... efst á 4. síðu. Þeir hafa þó manndóm til þess að leiðrétta mistökin. Hvenær gerir DV það?

[Viggó Jörgensson, 2.2.2011 kl. 14:02]

Að liggja undir grun

er allt annað

en að hafa fengið réttarstöðu grunaðs manns við opinbera rannsókn.

Það síðarnefnda er miklu alvarlegra mál.

Agnes sagði að blaðamaðurinn lægi undir grun.

Blaðamaðurinn kaus að halda því fram að Agnes segði hann hafa réttarstöðu grunaðs manns.

Svolítill skollaleikur auðvitað.

Þeir á DV mega ekki vamm sitt vita og taka þetta auðvitað óstinnt upp.

Lögreglan hefur borið til baka að blaðamaðurinn hafi réttarstöðu grunaðsmanns.  

Hún hefur ekki borið til baka að blaðamaðurinn hafi einhvern tímann legið undir grun.    

Eða vita menn betur?    

[Viggó Jörgensson, 2.2.2011 kl. 14:04]

Hinu er ég auðvitað sammála að ónákvæmni er allt of mikil í fjölmiðlum sem er auðvitað því verri sem málin eru alvarlegri. 

Ef ekki er unnt að fá staðfestingu um að einhver sé grunaður verður það auðvitað slúður að bera slíkar upplýsingar út.