Skammastu þín Róbert. Jóhanna sagði okkur að allt væri íhaldinu að kenna.

Þú ert nú meiri óþekktarormurinn Róbert Marshall.

Hún Jóhanna okkar öskraði sig hása; að allt þetta klúður væri íhaldinu að kenna. 

Svo kemur þú, eins og skítugur horkrakki úr sandkassanum, og afsakar að þið í Samfylkingunni hafið skitið í nytina ykkar.  

Ertu kannski að halda því fram að hún Jóhanna okkar viti ekkert hvað hún er að segja?  

Elliær með óráði bara?  Ekki nema það þó.  Bölvuð pest geturðu verið krakki.

Hvernig á hún blessunin að geta stjórnað svona tossabekk af róluvellinum?

Þér er svo vonandi orðið ljóst að þú átt ekkert erindi á löggjafarsamkomuna meir.  

Fyrir sig, að klúðra sínu stærsta máli upp á hundruð miljóna í miðri kreppu. 

En það óbermi að bera lygiskrök á fóstru sína, þar tekur nú steininn úr.   

Vonandi að syfjaður Össur setjist ofan á þig í ógáti og fái sér lúr.

Þú hefðir gott af því bara, bévaður slúðurberinn, að minnka í þér vindinn.  

Biður þjóðina afsökunar

Athugasemdir

[Vendetta, 28.1.2011 kl. 16:41]

Þar sem Jóhönnu skjátlast, er að hún heldur að hún sýni styrk með því að haga sér eins og hún gerir. Hún er örugglega mikill aðdáandi Aleksandr Lukashenkos.

Það sem hún veit ekki er að styrkur og trúverðugleiki ríkisstjórnar felst í pólítísku viti ráðherranna, ekki sízt forsætisráðherrans og virðingu fyrir lýðræðinu. Á pólítíska vitskalanum 0 til 10 fær Jóhanna einkunnina -1 (minna en ekkert).

[Viggó Jörgensson, 1.2.2011 kl. 12:54]

Já hún er algerlega búin á því blessunin.