Aftur og nýbúin. Kjölfestufjárfestir.

Kjölfestufjárfestir var lykilorðið við einkavæðingu bankanna.  

Enn er þetta orð í tísku. 

Á mannamáli þýðir þetta að einhverjir gæðingar bankans fá að kaupa Haga og ráðskast þar með eignir minni hluthafanna.

Sem verða almenningur.  Einstaklingar og lífeyrissjóðir almennings.  

Finnst eins og ég hafi heyrt þetta einhvern tíma áður.   Að þessir minni hluthafar hafi tapað öllu sínu.  

Hagar til sölu

Athugasemdir

[óli (IP-tala skráð) 18.10.2010 kl. 23:08]

Rétt. "kjölfestufjárfestir" Tetta orð er ekki til í öðrum málum. Bara bull...

[Margrét (IP-tala skráð) 19.10.2010 kl. 14:37]

Þetta orð "kjölfestufjárfestir" hljóðar í mínum eyrum líkt og "útrásarvíkingur" .Þessir fjárglæframenn virðast vera afar vondur kostur.  Í það minnsta ef litið er yfir farinn veg.

[Trausti Þór Karlsson, 19.10.2010 kl. 17:43]

Orðabók.is þýðir orðið kjölfestufjárfesta sem ,,lead investor" sem er eflaust ágætis þýðing. Það virðist nú vera svo að í öllum hlutafélögum eru einhverjir kjölfestufjárfestar (einkar skemmtilegt orð) þannig að ég tel þetta nú vera góðan leik hjá bankanum að reyna að stjórna því hverjir verða kjölfestufjárfestar í þessu stóra fyrirtæki sem Hagar er í staðinn fyrir að fá einhverja vitleysinga inn í þetta á miðri leið sem enda með allt niðrum sig eins og reynslan hefur sýnt.