Ofsóknir eru ekki til bóta.

Kynferðisbrot eru meðal viðbjóðslegustu glæpa yfirleitt.  

Slíkir glæpir eru bæði líkamlega meiðandi en oft og einatt skemma þeir eða jafnvel eyðileggja sálarlíf þolandans til framtíðar.  

Sumir ná með hjálp að lifa með slíku en aðrir ná sér aldrei.  

Allir þeir aðilar sem starfa að þessum málaflokki eiga mikinn heiður skilinn.  

Hins vegar getur það ekki verið til bóta að þessir aðilar séu stöðugt að ráðast á samstarfsmenn sína.  

Það getur ekki verið til bóta að ráðast á lögregluna, saksóknara eða dómara eins og þeir séu í liði með misyndismönnunum. 

Þessi málaflokkur er einfaldlega alveg skelfilega erfiður þegar kemur að sönnunarfærslu. 

Oft og einatt eru engir til nákvæmrar frásagnar nema gerandinn og þolandinn. 

Ekki verður gengið lengra á þeirri braut að skerða mannréttindi grunaðra frekar en nú er orðið.  

Ekki kemur til greina að gefa afslátt af þeim grundvallarmannréttindum að allan vafa skuli túlka sakborningi í hag.  

Áfram verður sú meginregla að gilda að frekar skal sekur sleppa en að saklaus sé dæmdur. 

Reiðin er réttlát. 

Réttlætið má hins vegar ekki snúast upp í andhverfu sína.  

Þeir sem halda á refsivendinum mega ekki verða jafnslæmir eða verri en misyndismennirnir. 

Skoðar meðferð kynferðisbrota

Athugasemdir

[GunniS, 8.10.2010 kl. 23:52]

jæja segðu,  en langar þig ekki í rimmu við femínista. þú sérð aðferðirnar sem þær nota, þær rakka persónuna niður.  einn maður þegar búin að segja sig frá starfi innan lögreglunar vegna  þess.

[Bernharð Hjaltalín, 9.10.2010 kl. 09:31]

Stórfrændi minn Þorvaldur Garðar Kristjánsson sem er látinn blessuð sé minning hans, var einn af

fáum þingmönnum sem barist gegn fóstureyðingu nema ef almanna hagsmunir lægju við.

Þessi morð í móðurkviði er búin að ganga hér í um tvo áratugi.Við verðum að fara að snúa vörn í sókn og banna þetta drápsæði.Setjum skorður á fóstureyðingu, setjum fastar reglur hvernig á að dæma

kynferðisafbrota glæpamenn og s.fr.

[Halldór Benediktsson, 9.10.2010 kl. 10:53]

Sammála þér Viggó.

Bernharð, fóstureyðing er nauðsynlegur réttur allr.

[Albert (IP-tala skráð) 9.10.2010 kl. 22:06]

Ég tek undir með Viggó að ekki komi til greina að gefa afslátt af þeim grundvallarmannréttindum að allan vafa skuli túlka sakborningi í hag og að áfram gildi sú meginregla að gilda að frekar skal sekur sleppa en að saklaus sé dæmdur. 

Það þarf að leiða til lykta þessi mál á þann hátt að fólk geti treyst réttarkerfinu á sama hátt og í öðrum misyndis- og ofbeldismálum. Ef við förum að samþykkja aðrar sönnunarkröfur en í öðrum málum erum við komin í einhverjar miðaldir held ég.

[Viggó Jörgensson, 10.10.2010 kl. 01:27]

Þakka ykkur innlitið. 

Það hressir mann við að fleiri en ég séu ekki til í að vekja upp sönnunaraðferðir miðalda.