Athugasemd inn á blogg sr. Þórhalls Heimissonar.

Set hérna til minnis athugasemd er ég skrifaði inn á blogg sr. Þórhalls Heimssonar: 

"...Allt er það rétt hjá þér sr. Þórhallur.

Við sem erum ekkert að fara úr Þjóðkirkjunni deilum þessari skoðun að hana eigi að aðlaga að kröfum samtímans ekki hlaupast á brott.

En prestar standa fast á því að það sé hlutverk kirkjuhöfðingjans biskupsins að halda uppi vörnum og svörum fyrir hönd kirkjunnar.

Þið kusuð yfir ykkur erfðagóss sem ekki er þekktur fyrir að taka á neinum málum nema tilneyddur.

Og ef sá hinn sami hefur ekki hreinan skjöld þá hentar honum betur að sitja í svölum skugganum en heitum ljóskösturum í sjónvarpssal.

Höfuð kirkjunnar er í fullkominni afneitun og man atburði eins og best hentar.

Það sást best í síðustu yfirlýsingu hans þar sem hann vildi að atburðir hefðu verið á annan veg en þeir voru.

Þurfti svo að leiðrétta næsta dag. Í Kastljósti sáu allir hvernig biskup engdist eins og ormur á öngli.

Stamaði, hikstaði og tafsaði eins og þeir einir er ekki hafa hreinan skjöld.

Kirkjuráð þarf að koma biskupi í skilning um að hann hefur rúið sig öllu trausti..."

Viggó Jörgensson, 24.8.2010 kl. 14:23

Athugasemdir

[Benedikta E, 24.8.2010 kl. 15:19]

Þó allir segi sig úr þjóðkirkjunni þá ætlar Karl að sitja á biskupsstóli - hann er ekki bara rúinn öllu trausti - líka allri dómgreind.