93% umboðslaus Steingrímur.

93% kjósenda höfnuðu handleiðslu Steingríms Jóhanns Sigfússonar til icesave-samninga. 

Heimsmet í hanagali hefði Steingrímur sett í stjórnarandstöðu, og loks nær kafnað í eigin kjaftavaðli -

í yfirgengilegri hneykslun á því valdaráni að slíkur ráðherra teldi sig enn hafa samningsumboð þjóðarinnar í málinu.  

Skilaboð Steingríms til okkar þessara 93% eru ótvíræð: 

... Ykkur íslensku þjóðinni kemur þetta andskotann ekkert við...   

Sem betur fer er þó forsetanum ljóst að ríkisstjórnin hefur ekki umboð okkar í málinu. 

Ekki komin dagsetning á viðræður

Athugasemdir

[Njáll (IP-tala skráð) 20.8.2010 kl. 14:08]

Í því ljósi er áhugavert að skoða lög um landráð (http://www.althingi.is/dba-bin/unds.pl?txti=/wwwtext/html/lagasofn/136a/1940019.html&leito=landr%E1%F0#word1):

..undirstrikun og bold-un er frá mér. 

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.

89. gr. Beri íslenskur ríkisborgari í ófriði vopn gegn íslenska ríkinu eða bandamönnum þess, þá varðar það fangelsi ekki skemur en 2 ár.
Sömu refsingu skal hver sá sæta, sem í ófriði, eða þegar ófriður vofir yfir, veitir fjandmönnum íslenska ríkisins liðsinni í orði eða verki eða veikir viðnámsþrótt íslenska ríkisins eða bandamanna þess.

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …¹⁾ fangelsi allt að 3 árum, eða sektum, ef sérstakar málsbætur eru fyrir hendi.