Taktu þetta eignarnámi Atli.

Burt með einkaaðila úr þjóðareigninni.  

Til helvítis eða lengra með útlendinga sem ágirnast orkuauðlindir okkar til að þrefalda verðið á íslenskan almenning.  

Íslendinga sem styðja einkaeign á orkuauðlindum okkar ætti að vera hægt að dæma til skóggangs. 

Það stórslys sem var með fiskveiðiheimildirnar ættu landsfeðurnir að hafa lært af.   

Um einkaeign á orkuauðlindum verður aldrei friður.   ALDREI.  

„Farið hefur fé betra“

Athugasemdir

[Viðar Ingvason (IP-tala skráð) 2.8.2010 kl. 01:47]

Sammála þér Viggó.

Hvenær ætlar þjóðin að opna augun fyrir því að hún hefur ekki efni á að láta ræna frá sér náttúruauðlindunum.

Tímabært að fara í eignarupptöku hjá Íslensku mafíósunum.

[Finnur Hrafn Jónsson, 2.8.2010 kl. 02:07]

Helst er að sjá að þessi mikla umfjöllun um Magma sé til þess að draga athygli frá því að VG vill halda áfram að gefa útgerðarmönnum 30-40 miljarða auðlindarentu af fiskveiðum á hverju ári.

Miðað við framgöngu fulltrúa VG í sáttanefnd um fiskveiðikerfi er ekki að sjá annað en að hann hafi tekið að sér að verja hagsmuni LÍÚ þegar þeir drógu sig út úr nefndinni.

[Lúlli (IP-tala skráð) 2.8.2010 kl. 04:16]

Það er hræðilegt ef útlendingar ætla að koma hingað og þrefalda verðið. En það sem stjórnvöld, vinir þeirra og styrktaraðilar hræðast mest eru útlendingar sem hingað koma og lækka verðið svo um munar.

Bensín, ekki fengu hinir Kanadísku Irvingar að opna hér bensínstöðvar. Var það vegna þess að þeir ætluðu að selja bensínið á uppsprengdu verði?

Byggingavörur, hvernig fór ekki fyrir Bauhaus þegar þeir ætluðu að byggja í Garðabæ. Nú stendur þar BYKO verslun og bæjarstjóri Garðabæjar fékk víst gott djobb hjá BYKO. Alveg einstök tilviljun að sjálfsögðu.

Kjöt og grænmeti eru víst stórhættulegar vörur. Hingað mátti lengi vel ekki flytja inn þessar vörur vegna hinna skæðu sjúkdóma sem hingað gætu borist frá hinum hræðilega sjúku útlöndum. Núna má flytja þetta inn ef borgaðir eru nokkur hundruð prósent tollar, það virkar víst eins og bólusetning skilst mér.

Bankar, "einkavæðum bankana" sögðu þeir "en pössum að engir þessara óheiðarlegu útlendinga fái að kaupa" klöppuðu hvor öðrum á öxlina "best er að hafa þá í eigu íslendinga, íslenskt viðskiptasiðferði er á svo miklu hærra plani en hjá þessum útlendingum".  -Og mörgum árum seinna, eftir að mikið hefur gengið á, er viðhorfið nákvæmlega það sama, þó nú sé talað um leigu á orkuuppsprettum en ekki eignarhald á banka.

Ef Magma hækkar orkuverð er lítið mál að versla við aðra. En hvað þurfa hinir að gera ef Magma lækkar verulega orkuverð? Hver yrðu viðbrögð Reykvíkinga ef OR væri að rukka tvöfalt eða þrefalt það sem suðurnesjamenn væru að borga? Einhverjir gætu þá þurft að fara að fækka utanlandsferðum og kampavínsveislum.

Ef Magma væri að koma hingað til að hækka orkuverð getur þú bókað það að þetta mál hefði fyrir löngu verið þagað í hel.