Öðlast og missa sjálfstæðið 17. júní

Það er alveg ótrúlegt að hvað margir aðildarsinnar að ESB eru fáfróðir um ESB.

Við höfum allt það besta úr Evrópusambandinu ESB í gegnum aðild okkar að EES. 

EES er Evrópska efnahagssvæðið sem við urðum aðilar að árið 1994.

Jón Baldvin Hannibalsson þáverandi utanríkisráðherra sagði þá um EES samninginn:

"Allt fyrir ekkert."       Þekkja menn betri samninga en það?

En ef við stígum næsta skref þá þurfum við borga fyrir þau viðskiptakjör sem við höfum nú þegar fyrir ekkert.  

Að ganga skrefið frá EES til ESB þýðir í raun ævarandi framsal á fullveldi okkar til yfirþjóðlegs valds.

Við munum missa okkar eigið lagasetningarvald á stórum sviðum þjóðlífsins. 

Við munum missa sjálfstæði okkar sem við börðumst fyrir að fá aftur frá 1262 til 1944.

Að erlendir menn ætli að sjá um okkur nú - er jafnvitlaust og það var fyrr.

Háleitar yfirlýsingar um að við munum verða íbúar hinnar sameinuðu Evrópu eru draumórar sveimhugans.

Við erum í Evrópu.  Við erum Evrópubúar.  Við eigum ágæt viðskipti við Evrópulönd.  Við styðjum Evrópuþjóðir í gagnkvæmu samstarfi. 

Innganga í ESB bætir þar engu við - nema til hins verra. 

Okkar eigin íslensku þingmenn við Austurvöll hafa misst sambandið við íslensku þjóðina.

Er einhver það mikill kjáni að halda að sambandið verði betra við Brussel? 

Umsóknin tekin fyrir 17. júní

Athugasemdir

[Garðar Valur Hallfreðsson, 15.6.2010 kl. 01:12]

Ég er þér hjartanlega sammála, bæti engu við.

[Baldur G (IP-tala skráð) 15.6.2010 kl. 01:20]

Að ganga skrefið frá EES til ESB þýðir í raun ævarandi framsal á fullveldi okkar til yfirþjóðlegs valds.

  ----Nei, við getum hvenær sem er gengið úr því. 

Við munum missa okkar eigið lagasetningarvald á stórum sviðum þjóðlífsins. 

 -----Nei, við munum frekar fá lagasetningarvaldið aftur sem við misstum með EES. Lagasetningarvaldið er aðeins og sviðum fjórfrelsisins, og oft tænilegar reglugerðir sem hvor sem er yrðu umdeildar. 

Við munum missa sjálfstæði okkar sem við börðumst fyrir að fá aftur frá 1262 til 1944.

    oh nei, ekki líturðu svo á að Danir eða t.d. Spánverjar hafi misst sitt sjálfstæði fyrir 3 og 4 áratugum, nei ég hélt ekki. Við verðum sem fyrr algjörlega fullvalda þjóð. 

Að erlendir menn ætli að sjá um okkur nú - er jafnvitlaust og það var fyrr.

    hhhmmm, skil ekki. Annars held ég að eiginhagsmunagæslan og hrepparígurinn muni minnka til mikilla muna. 

Háleitar yfirlýsingar um að við munum verða íbúar hinnar sameinuðu Evrópu eru draumórar sveimhugans.

   Við erum íbúar Evrópu nú þegar, og alveg eins sameinaðrar Evrópu. 

Við erum í Evrópu.  Við erum Evrópubúar.  Við eigum ágæt viðskipti við Evrópulönd.  Við styðjum Evrópuþjóðir í gagnkvæmu samstarfi. 

 Innganga í ESB bætir þar engu við - nema til hins verra. 

  Lengi má gott bæta, og klárlega mun innganga bæta okkar viðskipti við Evrópulönd, og auk þessa gera efnahagslífið stöðugra, og bæta hag almennra borgara á allan hátt, t.d. með lækkun vaxta, og afnáms vertryggingu.

Okkar eigin íslensku þingmenn við Austurvöll hafa misst sambandið við íslensku þjóðina.

   Þeir gerðu það fyrir svona 10 árum. Það eru engar nýjar fréttir fyrir mér

[Sigurður Haraldsson, 15.6.2010 kl. 01:27]

Fásinna að taka umsóknina fyrir þann 17 júní!

[assa (IP-tala skráð) 15.6.2010 kl. 03:25]

Já Baldur, efnahagslífið verður stöðugra....er evran svona stöðug núna? Væri eftirsóknarvert að vera með evru núna? Þetta er bara sorglegt. Auðvitað er gott að losna við verðtryggingu, en er það bara evran sem getur losað okkur undan því dæmi? Og sitt sýnist hverjum, er ekki verið að fara úr öskunni í eldinn? Við höfum öll gott af því að hugleiða þetta. Megum ekki láta flokkatryggð ráða ákvörðun á skoðun okkar á þessu máli.

[Baldur G (IP-tala skráð) 15.6.2010 kl. 11:10]

Evran var náttúrulega mjög hátt skráð, þannig að það var nú við búið að hún myndi eitthvað láta undan. Þannig er þetta bara. Upp og niður, og segir í sjálfu sér lítið um málið í heildina. Hún er samt þó bara búinn að falla einhvern 1/5 af því sem krónan hefur gert.

   Eina flokkatryggðin er í B, D, og V, þar er búið að afskrifa þennan möguleika frá byrjun, þrátt fyrir að mikill vilji er í sjálfu sér innan D, og B, var hlynnt þessu þangað til pólitíkin gat ekki gert þeim kleift að styðja þetta, t.d. Icesave, sem ráðuneyti á þeirra vegum klúðraði. Allt er þetta mjög öfugnsúið. 

    Maður hreinilega skilur ekki af hverju fólk er svona hrætt við þetta. Það blandast inn í þetta einhvern misskilinn þjóðernisást, og hræðsluáróður, og það er ekki einu sinni farið að ræða málin

       .................þetta er akkúrat málið með íslensk stjórmál. Núna á þingi er verið að banna alla mögulega hluti, sem sýnir náttúrulega bara getuleysi stjórnarinnar við að vinna að umsókninni af krafti. Þessi umræða um stjórnmálamenn á Íslandi, helgast nú soldið af því hvernig þjóð býr í landinu, og oft fáum við bara það sem við eigum skilið, og ef við erum ekki einu sinni tilbúinn að fara eftir reglum lýðræðisins, með upplýstri umræðu, þá eigum við nú varla betra skilið. 

    Þetta á við um fleiri mál en mögulega inngöngu í ESB. 

[Viggó Jörgensson, 15.6.2010 kl. 12:28]

Sæll Baldur. 

Væri ekki ráð að þú lesir svolítið í íslenskri hagsögu.   Við erum vertíðarþjóð þar sem efnahagslífið sveiflast upp og niður eftir náttúrunni.  

Þá er best að hafa sinn eigin gjaldmiðil nema þú viljir að atvinnuleysi sé viðvarandi í 15% og finnist slíkt þjóðfélag í lagi.  

Steingrímur Sigfússon sem er nýbúinn að sækja um inngöngu í ESB - viðurkenndi á dögunum að nú hefðum við aldeils bjargast á að vera með eigin krónu.

Annars værum við í sama skítnum og Grikkir. 

Síðasta dæmið um stóra sveiflu í tekjum eru áhrif eldgosins fyrir austan á ferðaþjónustuna.  

ESB hentar betur þróuðum iðnríkjum sem hafa mun stöðugra efnahagslíf en hér verður um okkar daga.  

[Baldur G (IP-tala skráð) 16.6.2010 kl. 00:07]

Þetta með vertíðarþjóðfélagið á nú ekki við lengur, enda þótt afli geti verið mismunandi, þá sveiflast hann ekki það mikið. Kannski fyrir einhverjum áratugum, en í dag finnst mér þetta ekki vera sterk rök. Af hverju ætti að vera 15% atvinnuleysi hérna?? Ætli það hafi ekki verið að meðaltali 2-3% síðustu 50 árin. 

   Ekki veit ég betur en að atvinnuleysið núna sé í kringum 10%, sem eru tölur sem Íslendingar áttu aldrei von á. 

   Ég held  að Steingrímur J, þurfi nú ekkert að viðurkenna neitt varðandi krónuna, enda er hann mikill aðdáandi, og á móti inngöngu í ESB

   Værum við í sama skítnum og Grikkir. Við erum í sama skítnum og Grikkir.  Ef eitthvað er þá erum við í verri málum heldur en þeir. 

   Varðandi eldgosið, þá eru áhrifin ekki svo mikil, og munu ábyggilega ganga til baka, þar sem landið verður miklu betur kynnt, og meira spennandi. Auðvitað er samt ómögulegt að mæla það. 

  Já það er rétt hjá þér, að þróunin í stöðugra og fjölbreyttara efnahagslíf mun ekki verða um okkar daga, ef sama efnahagsstjórnun verður við lýði næstu áratugina.  Innganga í ESB er allavega vert að skoða, en við vitum náttúrulega að þetta snýst minnst um hvað er gott fyrir íslenska þjóð, heldur sérhagsmuni.

[Viggó Jörgensson, 16.6.2010 kl. 20:34]

Já Baldur, ég hef sagt það áður.

Liggi það á borðinu að það borgi sig fyrir okkur að ganga í ESB - þá skal ég hlaupa með þeim fyrstu gegnum ESB hliðið.  

En á sem sagt ekki von á að þurfa að finna hlaupaskóna.