Stakk af sjálfur...

Hafi lög verið brotin voru einhverjir krakkar látnir sjá um slík mál. 

Og fengu fyrir það sæmileg laun og bónusa.

Stálheiðarlegir menn geta auðvitað ekki staðið í lögbrotum sjálfir. 

Það getur maður nú skilið.   

Verst ef krakkarnir vissu ekki að þetta væru líka fyrirframgreiðslur

fyrir að sitja í tukthúsinu, jafnvel fyrir fleiri en sig sjálf.

Á Íslandi hefur enginn launamaður orðið margmiljarðamæringur á nokkrum árum

nema þeir sem best hafa fylgt boðorðunum tíu.  Ekki skaltu ágirnast o. s. frv. 

Þannig gæti vel verið að yfirhöfuð enginn hafi gert neitt af sér.    

Að þjóðarauðurinn hafi bara stungið af sjálfur inn á leynireikninga og sé nú í feluleik við skattinn og alls konar yfirvöld.     

En mikið er maður nú feginn að fá svona staðfest að Óli í Samskip sé löghlýðinn maður.  Og það frá fyrstu hendi.

Og að hann hafi reynt að forðast allt sem hann gæti hagnast á persónulega.  

Ekki veitir af að fækka grunuðum í öllum þessum rannsóknum. 

„Braut engin lög“

Athugasemdir

[Sigurður Haraldsson, 10.6.2010 kl. 00:50]

Já gott að fá svona menn til að segja okkur að þeir séu ekki sekir um eitt né neitt.

Vandamálið fyrir þá er bara að við trúum ekki einu orði sem fíflin segja sér til varnar!