Nægir samningar til framsals. Bretland er glæpaskjól fjármálamanna.

Ísland fullgilti þrjá samninga Evrópuráðsins um framsal árið 1984.  (Stjórnartíðindi C 8/1984)

Um er að ræða European convention on Extradition nr. 24 og viðbætur við þann samning nr. 86 og 98. 

Ef hans hátign, Sigurður Einarsson er ekki breskur ríkisborgari ber Bretum samkvæmt þessum samningum að framselja okkur hátignina. 

Þeim bæri líka að setja hann í varðhald, bærist þeim beiðni um það frá íslenskum yfirvöldum.  

Ófullgildir seinni tíma samningar Evrópuráðsins hindra engan vegin framsal.

Það er aðeins fyrirsláttur. Eins og kunnugt er eiga fjárglæpamenn mest skjól í vesturheimi í Bretlandi og þeim löndum sem öllu ráða í Evrópusambandinu. Þar er einnig erfiðast að fá upplýsingar um horfið fé. 

Sönnu nær væri að Bretar væru að brjóta meginreglur samninga Evrópuráðsins nr. 30 og viðbót nr. 99 um gagnkvæma aðstoð í glæpamálum. Viðaukasamning við þá samninga nr. 182 eiga Íslendingar eftir að fullgilda og er auðvitað slæmt.  Fráleitt að Bretar geti borið það fyrir sig þar sem þeir hafa ekki gert það heldur.    

Ekki kemur að sök þó að Bretar eigi reyndar eftir að fullgilda viðaukasamning nr. 86 en hann fjallar um morð á þjóðhöfðingja, stríðsglæpi, glæpi gegn mannkyni og að menn séu ekki réttaðir tvisvar fyrir það sama.  Á sem sagt ekkert við um þetta mál, svo hjálpi oss Guð.    

Við höfum ekki, frekar en Bretar, fullgilt European Convention on the Transfer of Proceedings in Criminal Matters nr. 73.  Sá samningur á ekki við í þessu máli og þar stendur reyndar, að ekki sé heimilt að neita framsali nema vegna þess að málið sé stjórnmálalegs eðlis eða byggt á grundvelli, kynþáttar, trúarbragða eða þjóðernis eingöngu.

Svo ber að taka fram að hans hátign Sigurður Einarsson hefur ekki verið dæmdur fyrir neina glæpi.  

Að eigin mati er hann yfir lögin hafinn eins og aðrar hátignir í Bretlandi.  

Breska lögreglan er því greinilega sammála.  Kannski á að aðla Sigurð fyrir fjármálastörf í Bretlandi.

Þá yrði það his excellency Sir Einarsson, og svo allir að hneyja sig.  

 

 

 

Segir skilyrði sín vera alvanaleg