Þjóðarmóðgun - sækja Sigurð eins og skot í lögreglufylgd.

Íslandsmet í hroka frá upphafi vega á Sigurður Einarsson fyrrum Kaupþingsmaður. 

Telur sig geta sent réttvísi Íslendinga langt nef og segist bara koma eða ekki, á sínum forsendum.

Biðja á Lundúnalögreglu að senda okkur Sigurð í hand- og fótajárnum, helst í strigapoka.  

Það er móðgun við alla íslensku þjóðina ef þessi maður mætir ekki í yfirheyrslu eins og skot.   

Ólafur Þór Hauksson getur bara sagt af sér strax komist þessi maður upp með þessa yfirstéttarstæla.

Næst ber hann auðvitað fyrir sig að Hæstiréttur hafi klofnað í varðhaldsmáli Kaupþingsmanna. 

Staðreyndin er sú að Jón Steinar Gunnlaugsson er algerlega á móti gæsluvarðhaldi sem rannsóknartæki. 

Mjög oft hefur Ólafur Börkur Þorvaldsson verið sporgöngumaður JSG í þeim málum.  

Alvarleiki málsins og sönnunargögn eru greinilega mjög sterk úr því að ÓBÞ staðfestir varðhald.  

Hjördís Hákonardóttir er einn besti lögfræðingur Íslendinga og mikill humanisti. 

Hún myndi vissulega ekki samþykkja að loka einhvern inni nema standa á traustum grunni.

Gæsluvarðhald staðfest

Athugasemdir

[hilmar jónsson, 10.5.2010 kl. 20:05]

Hann hlýtur að verða sóttur.

[Benedikta E, 10.5.2010 kl. 20:46]

Viggó - góður pistill hjá þér - ég hvítta undir þínar tillögur.......!

Hvaða hroka stæla lætur lögfræðingurinn "stjórnarformanninn" sýna þegar hann fer í Svörtu-Maríu á Hraunið til Lalla Jóns - þar sem allir eru jafnir............!

[Benedikta E, 10.5.2010 kl. 21:10]

Bíddu  - þó einn af þrem dómurum skili sér atkvæði þá er meirihluti fyrir dómsúrskurði - þannig að það ríg heldur - getur Gestur Jónson gert einhverjar sjónhverfingar með það ?

[Ingibjörg Friðriksdóttir, 10.5.2010 kl. 21:25]

Hann verður færður hingað vitið til.  Í járnum ef hann er ekki almennilegur.  Spurning hvort við fáum að taka á móti honum í Smáralindinni.

[Viggó Jörgensson, 10.5.2010 kl. 21:56]

2:1 gildir auðvitað Benedikta.

Spurning hvort Sig. reyni að bulla eitthvað. 

Svo kemur auðvitað til álita að skoða hvort einhver lögmaður sé hlutdeildarmaður í broti.

Ef til dæmis einhverjum ber samkvæmt lögum að mæta til yfirheyrslu og brýtur lög með því að gera það ekki að ráðum einhvers lögmanns. 

Þá kemur auðvitað til álita að handtaka lögmanninn sem hlutdeildarmanns í brotinu.  

[Árni Gunnarsson, 10.5.2010 kl. 22:03]

Ólafur Þór þarf enga hvatningu. Hann er lagður af stað í þessa vegferð og mun ekki láta neina þrjósku sakborninganna stöðva sig. Hann hefur nú þegar sýnt það sem ég átti ekki von á.

Mér líkar vel þessi einarða frammistaða hans sem birtist í því að láta Litla-Hraun skýla þessum tignarmönnum á meðað yfirheyrslur fara fram. Það gæti ýtt undir þá sem vita á hverju þeir eiga von svo þeir gefi sig fram sjálfviljugir og bjóði sættir og játningar gegn vægari dómum. 

[Viggó Jörgensson, 10.5.2010 kl. 22:19]

Já já Árni.

Sendisveinarnir á Litla Hrauni á meðan aðalmaðurinn heimtar friðhelgi eins og hann væri sendimaður erlends ríkis eða þjóðhöfðingi.

Strax og ljóst var að Sigurður svaraði ekki skilaboðum átti að láta handtaka hann. STRAX.  

[óli (IP-tala skráð) 10.5.2010 kl. 23:10]

þessi óhófsmaður á að koma heim í járnum og fara á grænmetisfæði á hrauninu þangað til þetta verður dæmt

[Viggó Jörgensson, 11.5.2010 kl. 01:01]

Þetta er nú ekki flókið.

Í morgunsárið fer Sérstakur saksóknari með beiðni um handtöku niður í Héraðsdóm Reykjavíkur, sem gefur út handtökuskipun á Sigurð Einarsson.

Tekur klukkustund með morgunkaffi og vínarbrauði.

Úr Héraðsdómi Reykjavikur yfir Arnarhólinn

og Ragna Árnadóttir dómsmálaráðherra gefur út framsalsbeiðni.

Tekur klukkutíma með 10 kaffinu eða vatni og grænmetisrétti.

Þaðan fer Sérstakur saksóknari upp á Hlemm og inn Rauðarárstíg

og borðar hádegismat hjá Össuri sem sendir framsalsbeiðnina rétta leið.

Sigurður kemur svo með kaffivélinni beint í 4 kaffið og sérbökuð vínarbrauð.

Ef hann er heppinn fær hann pizzu og kók í kvöldmat.

[Guðmundur Pétursson, 11.5.2010 kl. 03:11]

Sigurður er lítill og ljótur glæpamaður sem hefur ekki hugrekki til þess að axla ábyrgð á eigin gjörðum.  Hann mundi brotna saman ef hann yrði úrskurðaður í gæsluvarðhald.  Þessi gunga mundi ekki þola það og hann veit það.  Þess vegna er hann að fara á taugum.

[Eggert Vébjörnsson (IP-tala skráð) 11.5.2010 kl. 09:06]

Ekki nokkur spurning!
Skömm væri af ef það ætti að láta hann komast upp með það að setja íslensku réttarfarskerfi einhver skilyrði.
Láta bresku lögregluna senda hann heim í járnum ef hann hlýðir ekki kallinu.

[Tómas H Sveinsson, 11.5.2010 kl. 13:52]

Viggo, sammála nema í einu atriði. Þetta eru ekki yfirstéttarstælar í Sgurði heldur eru þetta mafíósastælar. Væri einhver yfirstétt til á Íslandi færi hún að lögum. Hins vegar er íslenska mafían fjölmenn og SEin er þar innsti koppur í búri.

Í járn með hann og því fyrr því betra.