Já eru þau gömul fermingarsystkin eða hefur Jóhanna loksins sagt af sér?

Það ætlar bara ekki að verða neinn endir á draugasögunum sem forysta Samfylkingarinnar ber á borð fyrir okkur.

Frú Jóhanna er opinber persóna sem forsætisráðherra okkar og getur ekki með neinum hætti verið í einkaerindum að spjalla um daginn og veginn við forseta ESB sem er líka opinber persóna. 

Nema auðvitað að þau Jóhanna séu frændsystkin, skólafélagar úr Versló, eða hafi verið fermd saman. 

Jóhanna hefði mátt segja okkur í Kastljósviðtalinu að þau væru pennavinir frá því í æsku eða að José Manuel Barroso hafi verið flugþjónn og þau þekkst í áratugi þess vegna.

Ef engu slíku er til að dreifa er aldeilis fráleitt að bera það á borð að um einkaheimsókn sé að ræða.  

En það er eftir öðru.  Að mati forystu Samfylkingarinnar kemur Íslensku þjóðinni framtíðin ekkert við.  Það ætla þau sjálf að sjá um án þess að spyrja okkur.  

Jóhanna í einkaheimsókn