Bogi Nilsson er stálheiðarlegur sómamaður.

Bloggarar mættu spara sér allar hugleiðingar eða tilgátur um að hann persónulega hafi nokkurn tíma  brotið eina einustu lagagrein er snýr að hruninu, einhverju misjöfnu eða yfirleitt.

Það væri ágætt að minna sig öðru hvoru á að yfirgnæfandi meirihluti þjóðarinnar er heiðarlegt fólk.

 

Bogi meðal farþega í einkaþotum

Athugasemdir

[Promotor Fidei, 1.2.2010 kl. 13:26]

þú bara fyrirgefur en þetta er fáránleg afsökun, að þykjast ekki vita á hverra vegum flugið er.

þetta er 3 tíma flug, milli landa, fram og til baka -ekki blómvöndur með korti frá leynilegum aðdáanda.

ef maður í þessari stöðu fær gjöf sem meta má á hundruðir þúsunda, þá getur hann ekki þóst enga hugmynd hafa um hver er gefandinn. Og hann hefur þá skyldu, stöðu sinnar vegna, að hafa svona mál á hreinu.

og mín vegna má hann gjarna súpa sem mest seyði af þessu flugi, enda hefur fargjaldið núna sennilega verið borgað margfalt af íslenskum almenningi sem misst hefur vinnu, hús og von þökk sé snilld þotuliðsins.

[Res (IP-tala skráð) 1.2.2010 kl. 14:23]

Það þótti ekki eftir sóknarvert að vera :Heiðar-legur: fyrir nokkrum árum síðan ,en kallinn er sekur um brot sem krefst afsagnar og afsökunarbeiðni í ofan á lag..

[Viggó Jörgensson, 1.2.2010 kl. 14:53]

Promotor Fidei: 

Ef við gæfum okkur að sonur Boga hefði boðið honum. 

Flestum feðrum hefði verið það nægileg skýring og gert ráð fyrir að greiðandinn væri vinnuveitandi sonarins eða einhverjir viðskiptavinir hans.  

Það mál væri uppgert fyrr eða síðar í starfskjörum sonarins.   

Res:  Maðurinn fór á eftirlaun fyrir nokkrum árum eftir ákaflega farsælan starfsferil í ríkis og þjóðar.    

[Viggó Jörgensson, 1.2.2010 kl. 15:11]

Átti að standa ... í þágu ríkis og þjóðar.    

Þið viljið kannski banna embættismönnum að fara á árshátíðir, þiggja boð í brúðkaup eða fara á mannfagnaði.

Svo ekki sé nú minnst á staði þar sem drukkið er öl og stiginn dans.  Og Guð komi til, á þorrablót og hestamannamót.   

Það er sjónarmið út af fyrir sig.  

Svo gætu menn heimtað að prestar yrðu skírlífir.   Það væri auðvitað hægt að setja spænska rannsóknarréttinn upp aftur.  

Ég er bara að segja að sjálfsagt er að rannsaka og sækja þá til saka sem eiga það skilið.  

Ofsóknaræði gagnvart heiðarlegu fólki er hins vegar verra en það sem einhverjir hrunverjar gerðu mögulega af sér.      

[Ráðsi, 1.2.2010 kl. 16:02]

Nei nei við skulum bara ganga út frá því að allir sem hafa þegið munað að einhverju leiti séu glæpamenn þar til annað kemur í ljós.

Hvernig var annars setningin... sá yðar sem syndlaus er kasti fyrsta grjótinu.

[Einhver Ágúst, 1.2.2010 kl. 20:31]

Heehehehe já ágætt og fallegt að þú viljir verja Boga og honum til hróss má nú nefna að hann sagði sig frá skýrslugerð um fyrritæki sona sinna, það hefðu nú ekki allir gert svo eitthvað er nú spunnið í kall.

En þetta er augljóst glappaskot hjá kalli og hann er nú hálf kauðskur að reyna að ljúga sig útúr þessari klípu, ef ahnn væri alveg heiðarlegur hefði hann sagt frá þessu fyrir löngu eða allaveganna núna þegr þetta er hvort eð er komið upp.

Er vantraust það sem birtist þér sem ofsóknaræði verra en svik þau og svínarí sem hér fór fram?

Já þú ert hress, heldur kannski enn að danir séu bara öfundsjúkir?

[Viggó Jörgensson, 2.2.2010 kl. 01:31]

Heill og sæll. 

Það má auðvitað skamma okkur mörg.  En hvað á að ganga langt? 

Sjálfur Ögmundur Jónasson var t. d. í brúðkaupsveislu hjá Baugsveldinu vegna ættartengsla konu hans.  Um aldir hefur það verið túlkað sem móðgun að mæta ekki í veislur nema maður sé sannanlega sárlasinn.   

Það er auðvelt að sjá það eftir á, að vissulega hefði enginn átt að þiggja eitt eða neitt af neinum.  

Flug í einkaþotum er auðvitað flottræfilsháttur og bruðl, hvað þá hjá verslunarkeðju sem getur ekki greitt laun fyrir ofan fátækrastyrk.  Sýnir samt djúpstæða vanmetakennd hjá sumum af þeim sem aldrei fengu nægju sína af gengdarlausri fjölmiðlagleði um sjálfa sig.     Til að ekkert færi nú út af sporinu var samt vissara að eiga sjálfur þá fjölmiðla sem dáðust sem mest af viðkomandi. 

Svona fólki er ekki hægt annað en vorkenna og það hef ég alltaf gert.  Aurarnir hefðu betur farið í sálfræðimeðferð. 

Senn hlýtur að líða að því að alþjóðasamfélagið banni einkaþotur en það verður kannski eftir að við erum dáin úr mengun. 

Að menga eins og heil þota gerir, til flytja kannski einn mann er auðvitað ein geðveiki nútímans, af mörgum.  

Ekki er að efa að einhverjir þurfa að mæta í skriftastólinn en BN er varla í þeirri röð.      

Vona að það sé eitthvað að vora í París.