Sú ætti nú að þekkja það.

Skæruhernaður í stjórnmálum hefur ætíð verið sérgrein frú Jóhönnu Sigurðardóttur.

Vera bara nógu mikil pest.

Þannig hefur frúin losnað við keppinauta úr eigin röðum. 

Þannig hefur frúin haft sín mál í gegn.

Sama hvort það er í ríkisstjórn, flokknum eða á Alþingi.  

Bara tekið, eða hótað að taka, frekjukast.   

Og nú reynir stjórnarandstaðan að herma þetta eftir. 

Von að frúnni ofbjóði.  

Óbilgirni og ofbeldi á þingi

Ósanngjarnar ásakanir, sumir ná því ekki.

Að saka alþingimenn um að þeir nái meðalgreind er spark undir beltisstað. 

Hjá fáeinum munar nokkrum genum að þeir gangi lausir. 

Flestir alþingismenn eru sæmilega gerðir menn, það vantar nú ekki.

En fæstir þeirra hafa þann feril og bakgrunn sem þarf til þingsetu. 

Fæstir þeirra hafa nokkra yfirsýn eða heildarsýn yfir þjóðarbúið eða hvert skal stefna. 

Nema þeir aular sem vilja einfaldlega láta það í hendur ESB.  

Svo eru aðrir sem vilja bæta hér samfélagið en gætu aldrei útskýrt hvernig það skal framkvæmt.

Að sjálfsögðu eru svo bráðskarpir einstaklingar á Alþingi eins og öðrum stöðum í þjóðfélaginu. 

Alþingismenn eru ekki veikari á geði en þjóðin almennt.   

Það er líka ósanngjörn ásökun. 

Nema þetta að hafa yfirleitt boðið sig fram. 

Hver væri ekki orðinn geggaður, að hafa hlustað á Jóhönnu og Steingrím í 30 ár?  

Og hafa þau þolað það sjálf?  

Á Alþingi á engin að sitja nema 12 ár samfleytt. 

Og engin á að vera ráðherra nema í 8 ár. 

Á þeim tíma ættu menn að hafa komið erindi sínu  á framfæri. 

Flestir eru dragbítar eftir það. 

Og misskilja persónulegt mikilvægi sitt. 

Þegar menn trúa því að heil þjóð standi, og falli, með þeirra eigin setu á valdastól.

Það er þá sem þeir eru vissulega orðnir brjálaðir. 

 

Ekki samboðið Alþingi Íslendinga

En Össur segir allt í lagi með evruna?

Robert Z. Aliber er helsti sérfræðingur heimsins í fjármálakreppum.

Nema á Íslandi. 

Össur segir að allt sé í rífandi gangi með evruna.

Jóhanna segist meira að segja trúa því sjálf.  Sé það rétt eftir Össuri haft       

Og þar höfum við það. 

 

Íslandshrunið óumflýjanlegt

Einræðisfrumvarpið skal í gegn. Þá er nægur tími á Alþingi.

Nú upplýsir þingforseti að nægur tími sé til að ræða helsta áhugamál forsætisráðherra.

Frumvarp til laga um að hún verði einræðisherra í stjórnsýslunni.

Á stjórnarheimilinu telst einnig til þjóðþrifamála að fjölga aðstoðarmönnum ráðherra. 

Charles Bretaprins hefur t. d. þrjá þjóna til að sjá um fötin sín.

Og eftir að við fengum myndirnar af utanríkisráðherra í Póllandi. 

Þar sem bindislaus ráðherrann var ekki kominn almennilega á fætur.

Þá skilur maður þetta allt betur.

En Alþingi hefur ekki tíma til að ræða tittlingaskít.

Eins og hag almennings.  

  

  

  

Þingfundur verður lengdur

Talar loksins um eitthvað af viti.

Í fyrsta skipti á þingferlinum á Steingrímur J. Sigfússon brýnt erindi í ræðustól Alþingis.

Það er verið að tala um afdalamennsku.

Steingrímur telst til okkur helstu sérfræðinga í þeim efnum. 

Dönsku ætti afdalamaðurinn ekki að bera fyrir sig.  

Men der skal to til tango er máltæki sem afdalamaðurinn fer ekki rétt með.

Frekar en annað. 

 

 

„Afdalamennska og íhaldssemi“

Væru þeir til væri Össur ekki til.

Afganir eru orðnir langþreyttir á erlendum afskiptum. 

Í yfir 1000 ár hafa þeir þurft að þola erlenda ásælni og yfirgang. 

Það rísa nánast á þeim hárin.

Þegar útlendingar spranga um land þeirra eins og sá sem valdið hefur. 

Talibanar eru sem sagt ofstækisfullir ættjarðarvinir.

Össur Skarphéðinsson ætti að tala varlega.

Væru til íslenskir talibanar væri hann sjálfur ekki ofanjarðar. 

Að mati talibana er Össur margfaldlega réttdræpur. 

Maður sem vill með öllum ráðum svíkja þjóð sína og land undir erlend yfirráð.  

Við hér heima vitum hins vegar að maðurinn gengur ekki heill til skógar. 

Og hefur aldrei gert.  

Þeir sem efast ættu að lesa næturblogg ráðherrans frá því fyrir hrun.

Og athuga að þarna var ekki sjúklingur á stofnun að stelast í tölvuna.

Heldur sitjandi ráðherra í ríkisstjórn Íslands.

Og hann situr þar enn.

 

http://www.afghangovernment.com/briefhistory.htm

„Talibanar Sjálfstæðisflokksins“

Og eigum við að fá 23 svona aðstoðarmenn?

Það verður aldeilis huggun fyrir íslenskan almenning. 

Þegar ríkisstjórnin verður búin að koma sér upp 23 svona snillingum. 

 

Bjór fyrir ummæli Steingríms

Hefur Alþingi engin verkefni?

Frá efnahagshruninu hérlendis. 

Hefur Alþingi verið meira og minna upptekið við tómstundaáhugamál Jóhönnu og Össurar.

Þjóðin er klofin í herðar niður út af ESB þráhyggju þeirra. 

Þess vegna reydu þau að svíkja icesave inn á þjóðina.

Svo kom leikaraskapurinn með stjórnarskrána, stjórnlagaþingið, stjórnlagaráðið. 

Nú fer tíminn í að ræða stjórnarráðsfrumvarp sem þjóðina vantaði ekki.

Hvert leikritið eftir annað til að breiða yfir getuleysi og úrræðaleysi. 

Samt á að bjóða sig fram aftur. 

Auðvitað.  

Svona eiga vinnubrögðin að vera

Forsetinn fór út í stjórnmál og verður því að þola þetta.

Forseti Íslands var lengi í stjórnmálum.

Raunar hætti hann aldrei.

Og stjórnmálamenn verða að þola svona ummæli.

Eða hætta í stjórnmálum.

Ræfildómur er ekki lýsingin á stjórnmálastarfi Björns Vals Gíslasonar.

Hans helstu störf er að liggja við fætur Steingríms J. Sigfússonar eins og flaðrandi hundur. 

Sem þess á milli er sigað út af Steingrími að hælbíta andstæðinganna.  

Engir ræflar þar á ferð. 

En eitthvað væri hægt að kalla það. 

Talaði um „forsetaræfilinn“

Óstöðugleiki veiðimannaþjóðfélagsins er eitt okkar mesta mein.

Íslendingar eru vertíðarþjóð.

Vanir því í árhundruð að hafa stundum lítið og stundum meira.

Allt eftir því hvernig vertíðin tókst til.

Bæði til sjávar, og sveita, vorum við upp á náttúruöflin komin.

Og sá hugsunarháttur hefur mótað okkur til tjóns. 

Að njóta vel og vandlega þegar betur árar. Og taka svo skellinn á milli.

Ókostirnir við þessar aðstæður og hugsunarhátt eru verri en kostirnir.

Engar langtíma fjárhagsáætlanir standast í okkar ágæta landi.

Hvorki til að reka heimili né atvinnufyrirtæki.

Og slíkar ytri aðstæður stuðla ekki að bættum eða breyttum hugsunarhætti.  

En þeir sem hafa boðið sig fram til að stjórna fyrir okkur landinu.

Hafa ekki ofreynt höfuðið til að átta sig á þessari sérstöðu lands og þjóðar.

Í svo litlu og óstöðugu hagkerfi var auðvitað fásinna að gera alla hluti frjálsa í hagkerfinu.

Eins og þetta örríki væri heil heimsálfa.

Stjórnmálamenn okkar kokgleyptu regluverk frá Evrópu sem hentar miklu stærri iðnvæddum þjóðum.

Ef það hentar þá einhverjum nema helst kannski Þjóðverjum.

En það mega núverandi stjórnendur landsins eiga.

Að þeir viðurkenna fúslega þeir vilji fá Evrópusambandið til að stjórna hérlendis.

Af því að þeir geta það ekki sjálfir.

En hefur það gefist vel?        

Tapar eignum sínum í þriðja sinn