Viggó Jörgensson.

Það er ekki rétt að segja að Kim Jong-un sé leiðtogi Norður Kóreu.

Hann er einræðisherra sem er nú þegar versti glæpamaður, morðingi og kúgari sem nú situr á valdastól í veröldinni.  

70 árum síðar er veröldin enn að misvirða við sig hvernig nazistar höguðu sér í seinni heimsstyrjöldinni.

Þeir feðgar Norður Kóreu jafnast alveg á við nazista en alþjóðasamfélagið gerir allt of lítið með það.

Glæpaverkin í Norður Kóreu eru jú öll í boði Kínverja sem halda þessum glæpalýð við völd.

	99,97% kosningaþátttaka
Ábyrgðarmaður færslu Tilkynna um óviðeigandi tengingu við frétt

Nú upplýsir Sigmundur Davíð að fjölskylda hans hafi liðið nóg fyrir stjórnmálaþátttöku hans.

Hann sem hefur fyrir löngu sannað að hæfileikar hans eru ekki á stjórnmálasviðinu.

Ætti bara að hætta í stjórnmálum.

Og gera öllum greiða.

	Pólitísk bellibrögð?
Ábyrgðarmaður færslu Tilkynna um óviðeigandi tengingu við frétt

Það er augljóst að einhverjir sem tengjast núverandi ríkisstjórn með einhverjum hætti. 

Eru á þessum skattsvikalistum sem fjármálaráðherra vill ekki kaupa. 

Hvaða vinir, fjölskyldumeðlimir eða stuðningsmenn skyldu það nú vera ???

Bjarni Benediktsson hefur verið að bæta mjög ímynd sína sem stjórnmálamaður á undanförnum misserum. 

Hann er þó engan veginn kominn fyrir vind í þeim efnum, hvorki með eigin framtíð eða Sjálfstæðisflokksins. 

Þannig getur það ekki gengið að hann ætli að birtast þjóðinni sem einhver sérstakur verndarengill skattsvikara.  

Eða látið það líta þannig út að fjármálalegir misyndismenn eigi sérstakt skjól hjá Sjálfsstæðisflokknum. 

Eða eiga þeir það ???

Það væri þá bara hreinlegra að Bjarni segði það þá bara hreint út. 

Eða er hann eiginlega búinn að því ???

	Íslendingar í HSBC leyniskjölunum
Ábyrgðarmaður færslu Tilkynna um óviðeigandi tengingu við frétt

Samkvæmt Aviation Herald er dvergkafbáturinn ekki gerður fyrir meira dýpi en 4500 metra. 

Sé hann látinn kafa dýpra, er í honum sjálfvirkur búnaður sem einfaldlega sendir kafbátinn upp á yfirborðið.  

Sá búnaður sendi kafbátinn upp eftir 6 klukkustunda köfun sem hafði verið áætluð í 16 klukkustundir. 

Af öðrum heimildum má nú ráða að slysið sé af völdum áður óþekkts bruna í tölvu- eða rafmagnsbúnaði. 

Árið 2011 brann stjórnklefi sams konar vélar, Boeing 777, á flugvellinum í Kairó í Egyptalandi.

Við rannsókn kom í ljós að í kringum súrefnisbúnað, undir sæti flugmannsins, voru rafmagnstengingar rangar.   

Í flugstjórnarklefanum biðu flugmennirnir þess að síðustu farþegarnir gengju um borð í vélina.

Þegar byrjaði að rjúka undan sætinu spratt flugmaðurinn upp og flugstjórinn rak hann því næst út úr klefanum.

Flugstjórinn reyndi strax að slökkva eldinn með handslökkvitæki án nokkurs árangurs.

Flugstjórnarklefinn nær gjöreyðilagðist, auk þess sem eldurinn gerði hreinlega göt á flugvélina. 

Hefði þetta gerst á flugi hefði vélin strax farist.   

Hún hefði aldrei getað flogið á sjálfstýringu í meira 7 klukkustundir eins og vélin frá Malasíu gerði líklegast. 

Eitthvað vægara en óhappið í Kairó er líklegt að hafi komið upp í þotunni frá Malasíu.   

Eitthvað sem leiddi til þess að flugmennirnir virðast hafa reynt að snúa við til næsta stóra flugvallar. 

Til flugvallarins á Palau Langkawi en í aðflugi þangað eru engin fjöll eða minni flugvöll Kuta Bhari sem var nær þeim.   

En svo hafi aðstæður breytst með skjótum hætti, eitthvað hafi gert flugmennina rænulitla eða orðið þeim að fjörtjóni.

Eða hrakti þá úr flugstjórnarklefanum þannig að þeir gátu, á einhverjum tímapunkti, litla eða enga stjórn haft á vélinni.

Eitthvað gerðist líklega sem var ekki nógu slæmt til að eyðileggja sjálfstýringu vélarinnar þannig að hún var á lofti meðan eldsneytið entist.  

Inmarsat-3 gervihnöttur var í samskiptum við flugvélina þann tíma sem hún var á lofti. 

Á klukkustundarfresti fékk gervihnötturinn sjálfvirkt staðsetningarendurvarp frá vélinni.  

Auk þess kom eitt endurvarp aukalega þegar talið er að vélin hafi skollið í sjóinn sem var 7 tímum og 38 mínútum eftir flugtak. 

Á þessum vélum er gervihnattaloftnet, og viðkomandi búnaður, staðsett ofan á þeim miðjum og því ekkert nálægt stjórnklefanum.

Að vélinni hafi verið rænt, eða að flugmennirnir hafi grandað þotunni, verður æ fráleitara.

Frekar sýnist að ofurtæknin sé að vaxa yfir höfuð okkar og getu. 

-------------

Sjá myndir af vélinni í Kairó:  

	Telur sig vita hvar vélin hrapaði
Ábyrgðarmaður færslu Tilkynna um óviðeigandi tengingu við frétt