Þess vegna eru alltaf tveir flugmenn.

Sem betur fer eru ennþá flugmenn í farþegaþotum, þó að tæknin sé orðin mikil. 

Og þeir eru tveir nákvæmlega út af því að annar getur veikst eða dáið.  

Einnig til að annar geti einbeitt sér að fluginu og hinn séð um talstöðvarsamskipti og eftirlit með hinum. 

Þeir lesa saman gátlista fyrir hinar ýmsu aðgerðir í fluginu svo sem flugtak og lendingu. 

Erfiðasti hluti flugsins er lendingin og það geta sumar vélar gert sjálfar.  

Þegar tölvurnar taka við af flugmönnunum ætla ég að ferðast með skipum.  

Flugstjórinn lést í miðju flugi

Athugasemdir

[Gunnar Guðvarðarson, 13.10.2010 kl. 12:02]

Enda taka tölvur aldrei við fyrr en þær verða orðnar betri en við í viðkomandi verkefni.

Ég er enn að bíða eftir tölvum sem keyra bílinn minn fyrir mig.

[Matthías Arngrímsson (IP-tala skráð) 13.10.2010 kl. 13:34]

Sælir.

 Þar sem tölvur þurfa að vera orðnar fullkomnari en maðurinn í hugsun, rökhugsun, skapandi hugsun, hugmyndaflugi og ákvörðunartöku svo hægt sé að treysta þeim til að fljúga flugvélum klakklaust, þá gerist það sennilega aldrei að farþegaflugvélar verði mannlausar, einfaldlega vegna þess að maðurinn er svo gallaður sjálfur, að hann á erfitt með að skapa eitthvað fullkomnara en hann sjálfan........það er sjálfsagt að búa til búnað sem "hjálpar" manninum.

Flugkveðjur,

Matthías.

[Einar Steinsson, 13.10.2010 kl. 13:44]

Forstjóri Ryanair vill ólmur fækka flugmönnum niður í einn (ásamt því að rukka fyrir klósettferðir o.fl.)

Tölvur geta í sjálfu sér auðveldlega flogið flugvélum við venjulegar aðstæður en spurningin er hefði tölva t.d. getað lent vélinni á Hudson ánni (US Airways 1549) 15. janúar 2009?

[Ingvar Linnet (IP-tala skráð) 13.10.2010 kl. 14:28]

Það væri þannig séð ekkert mál að láta flugvélarar fljúga sjálfar og setja inn einhvers konar búnað sem leyfir flugfélögunum að fljúga flugvélinni frá jörðinni ef atvik eins og gerðist í fyrra á sér stað.

Vandamálið er einmitt að fólk myndi ekki vilja fljúga í mannlausri flugvél, jafnvel þó það væri öruggara.

[Jói (IP-tala skráð) 13.10.2010 kl. 14:40]

"Erfiðasti hluti flugsins er lendingin og það geta sumar vélar gert sjálfar"

Þetta er ekki hægt þegar í Keflavík þegar vindurin er 12M/s eða meira.

[Viggó Jörgensson, 13.10.2010 kl. 15:22]

Ég vona Gunnar að ég vonast til að verða rúmfastur á elli heimili þegar þú færð tölvubílinn. 

Matti, Ingvar og Jói, takk fyrir hughreystinguna.  

Einar ég tók einmitt eftir þessari sparnaðarhugmynd að hafa bara einn flugmann og var ekki skemmt.  

Ég skoðaði Hudson málið mjög vel og dettur ekki í hug að tölva hefði leyst það mál.

Ég er hins vegar ekkert að agnúast út þá miklu hjálp sem tæknin veitir okkur. 

MATTI er nokkuð komið út úr tölvu/rafmagnsbilun eða nokkru öðru með Airbus þotuna sem fór niður fyrir utan Brazilíu í fyrra?