Eins og í Norður Kóreu.

Lýðræðisást stjórnmálaforingja er viðbrugðið. 

Komist þeir upp með það þá halda þeir helst enga fundi með félögum sínum.

Hinn nýlátni elskaði og dáði leiðtogi í Norður Kóreu kallaði ekki saman þingið.

Frá því að elsku pabbi hans dó og þar til að hann þurfti að setja son sinn á stall. 

Þinghlé í hálfan annan áratug og bara þægilegra að vera laus við röflið í fólkinu.

Að ekki sé minnst á garnagaulið í þessum horrindum þarna.  

Og nú ætlar hin elskaða og dáða frú Jóhanna okkar að nota sömu aðferðina.

Ekkert að kalla saman landsfund í flokknum til að hlusta á röflið í liðinu og hvers kyns búkhljóð.  

Liði sem ræður engu hvort eð er. 

Þegiði svo greyin mín.

Margrét S. Björnsdóttir er frábær kona sem alltaf hefur vikið góðu að okkur aumingjunum. 

Nú ætlar hún að gæta þess að frú Jóhanna eigi friðsælt ævikvöld í stjórnarráðinu. 

Svo hún komist ekki í uppnám af því að einhver skildi Moggann eftir á glámbekk.

Eða af því að einhver sagði eitthvað sem frúin skilur ekki.   Já sem sagt sagði eitthvað.  

Bæti Margréti í kvöldbænina þar sem Jóhanna var auðvitað fyrir. 

Í versinu þar sem ég bið Guð að forða okkur háska frá.   

Leggjast gegn landsfundi í vor

Athugasemdir

[Axel Guðmundsson, 10.1.2012 kl. 23:48]

Þetta er kostulegt sögðu menn í gamla daga.

[Sigurður Haraldsson, 11.1.2012 kl. 01:21]

Það er full reynt henni Jóhönnu verður ekki komið út nema með handafli!

[Viggó Jörgensson, 11.1.2012 kl. 02:49]

Já strákar maður þarf að klípa sig til að trúa þessu.

Nú á bara að skyrpa á þessa fáu aula sem enn eru í flokknum.

[Helgi Rúnar Jónsson (IP-tala skráð) 11.1.2012 kl. 07:43]

"henni Jóhönnu verður ekki komið út nema með handafli!"....hvað ertu að boða nákvæmlega Sigurður...??

[Sólbjörg, 11.1.2012 kl. 08:56]

Held að Sigurður eigi við sameinuðuð mótmælum við alþingi, þar sem með kröfuspjöldum um nýja ríkisstjórn er haldið á lofti með "handafli".