Kínverska ríkið er hætt við - Ögmundur er þjóðhetja.

Þessi skrifstofumaður Kínverska kommúnistaflokksins.

Sem kínverska ríkið fékk til að leika miljarðamæring á vesturlöndum. 

Segist nú hættur við kaupin á Grímsstöðum. 

Les:  Kínverska ríkið er hætt við að reyna kaupa Ísland. 

Og það er gott.

JAFNAÐARMENN í Samfylkingunni vilja með öllum ráðum auka stéttaskiptinguna á Íslandi. 

Og bjóða hingað öllum bröskurum heimsins til að bulla með þjóðareignir Íslendinga.

Magma hneykslið gerðist á þeirra vakt.

Þetta eru ekki aular og Ingjaldsfífl nema það sjáist á einhverju.

Ögmundur Jónasson er hins vegar þjóðhetja og það mun sagan staðfesta að lokum.  


mbl.is Huang Nubo er hættur við
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Hvernig getur sagan staðfest það að lokum? Það gerðist ekkert og ekkert mun gerast. Hvernig mæliru ekkert?

Og væri þetta eitthvað annað ef þetta væri harður kapitalisti frá bandaríkjunum. Er það betra? 

Jakob (IP-tala skráð) 26.11.2011 kl. 13:36

2 identicon

Útlendingahræðsla Íslendinga er alveg einstök. Sérstakt sambland af minnimáttarkennd, græðgi, óheiðarleika, fáfræði og fordómum. Sannast hið fornkveðna; Þjófar eru manna þjófhræddastir.

sigkja (IP-tala skráð) 26.11.2011 kl. 13:44

3 identicon

Það er merkilegt að sjálfskipaðir varðmenn jafnræðis og jöfnuðar skuli stíga fram og fagna þessu.  Ég hef spurt fólk sem hefur verið andvígt þessum áformum "skrifstofumannsins" hvor að sama skapi átti að banna íslendingum og íslenskum fyrirtækjum að kaupa jaðrnæði erlendis eða auðlindir annarra þjóða og koma þannig fram með jöfnuði, og hingað til hafa svörin verið nei.  Þannig að okkar réttur er að höndla með lönd og auðlindir annarra, Samherji á kvóta út um allan heim, útrásavíkingar keyptu upp jarðir á Spáni o.s.frv. en vei þeim sem hingað líta.  Það að hafa ekki frumkvæði um að bjóða aðrar leiðir beint í samningaumleitunum, s.s. leigu, er hreinn dónaskapur, nema að það hafi aldrei, undir nokkrum kringumstæðum verið uppi á borðinu að fá kínverska fjárfestingu til landsins, sem ég tel að sé raunin.  Ég yrði hinsvegar ekki hissa á því að hefði þessi maður verið af sænskri móður borinn, eða ítölskum greifaættum þá hefði þetta verið auðsótt mál.  Ég hef heyrt rök sem byggja  fyrst og fremst á ótta og mynna hugmyndasköpun þýskra nasista á skítuga, gráðuga júðanum! Það er glettilega stutt í íslenska rasistann og heimóttann.  

Bönnum Íslendingum að gera það erlendis sem við bönnum útlendingum að gera hér, og þá fyrst hafa andstæðingar þessa manns málstað að verja!

Bjorn (IP-tala skráð) 26.11.2011 kl. 13:55

4 identicon

Viggó hefur fundið frelsara sinn og mun kjósa hann í næstu kosningum. Það er nú gott.

Badu (IP-tala skráð) 26.11.2011 kl. 14:05

5 Smámynd: Viggó Jörgensson

SigKja.

Ekki tek ég þessar hugleiðingar um útlendingahræðslu til mín. 

En það væri kannski ágætt að læra af reynslunni. 

Lesa íslandssöguna aftur og mannkynssöguna.

Það hefði verið heppilegra að nota líka almenna skynsemi sagði reiknimeistari Kaupþingsbanka. 

En þetta rann upp fyrir honum eftir að bankinn var kominn á hausinn.   

Viggó Jörgensson, 26.11.2011 kl. 14:32

6 Smámynd: Viggó Jörgensson

Bjorn.

Þú mátt ekki kaupa land í Kína. 

Kínversk stjórnvöld keyrðu yfir ungmenni sín á skriðdrekum fyrir rúmum 20 árum.

Kínverjum er yfirhöfuð ekki treystandi, því miður. 

Skoðaðu reynslu Svía af kínverskum fjárfestum. 

Og svo eru auðlindir íslensku þjóðarinnar ekki til sölu.  Punktur. 

Það er úti í hött að einhver heiðarbýli séu eigendur stærra lands en nemur eðlilegum beitarhaga. 

Út í hött að eitt heiðarbýli geti átt stóran hluta af hálendinu. 

Bara af því að það stendur næst óbyggðum.  

Viggó Jörgensson, 26.11.2011 kl. 14:39

7 Smámynd: Viggó Jörgensson

Badu.

Eða að Ögmundur ætti að kjósa mig...

Viggó Jörgensson, 26.11.2011 kl. 14:40

8 Smámynd: Viggó Jörgensson

Set hérna til minnis, svar sem ég setti inn hjá Hilmar vini mínum Jónssyni:

-------- 

Stebbi.

Undirstöðuregla laganna. 

Snýst um að erlendur einstaklingur. 

Geti keypt sér eðlilegt íbúðarhúsnæði. 

Eða venjulega bújörð.  

Þegar þau lög voru samin voru jarðalögin enn í gildi. 

Þar var girt fyrir svona Nubo vitleysu með forkaupsrétti. 

Og þá höfðu menn ekki hugmyndaflug í svona möguleika. 

Svo voru jarðalögin afnumin. 

Og eftir stóðu ófullkomin lög sem þarf að endurskoða. 

Þau heimila ríkisborgurum Evrópska efnahagssvæðisins.

Að kaupa sér persónulegt húsnæði eða jarðnæði hérlendis. 

Ríkisborgarar utan EES mega það ekki nema með undanþágu. 

Lögaðilar utan EES eiga enga kröfu á slík kaup. 

En meintur kaupandi Nubo er hlutafélag, þ. e. lögaðili.  

Meginregla laganna gildir um einstaklinga innan EES.

Og um persónulegt húsnæði eða jarðnæði.

Að lögin heimili slíkt til einstaklings utan EES er möguleiki. 

Að lögin heimili sölu á 0,3% af landinu til útlendings er fráleitt.

Að lögin heimili slíkt til einstaklings utan EES er fjarstæða.

Að lögin heimili slíkt til lögaðila utan EES er algerlega óheimilt.

Viggó Jörgensson, 26.11.2011 kl. 14:57

9 Smámynd: Viggó Jörgensson

Það má fylgja hér með að á síðustu öld giltu lög um jarðakaup:

Lög nr. 40/1919, um forkaupsrétt að jörðum.

Lög nr. 55/1926, um sama efni.

Lög nr. 40/1948, um kauprétt að jörðum.

Jarðalög nr. 65/1976.

Lögin hétu sem sagt ekki jarðalög fyrr en 1976.

Næstu heildarlög eru  Jarðalög 81/2004

Þar segir í greinargerð Alþingis með þeim lögum:  

"...Í greinargerð með frumvarpi til eldri laga sem voru undanfari jarðalaga, nr. 65/1976, og ábúðarlaga, nr. 64/1976, þar sem þessi ákvæði voru fyrst sett, kemur fram að tilgangur ákvæðanna sé að sporna við að bújarðir lendi í höndum svokallaðra jarðabraskara sem ekki hyggjast nýta þær til landbúnaðarstarfsemi..."

Viggó Jörgensson, 26.11.2011 kl. 22:42

10 Smámynd: Viggó Jörgensson

Auðvitað er lagasniðið orðið svolítið á skjön í þessum lögum frá árinu 1966.

Þá var meginreglan að útlendingar mættu ekki kaupa fasteign hérlendis.

Þeir þurftu allir undanþágu. Með ýmsum lagabreytingum, eftir að við gengum í EES.

Er búið að klastra við lögin og uppsetningu þeirra.

Þannig er það orðað sem undanþága en er í raun og veru orðin meginregla að einstaklingar frá EES löndum skuli fá að kaupa hér húsnæði.

Íbúðarhúsnæði fyrir sig persónulega eða húsnæði undir atvinnustarfssemi sína.

Lögunum nr. 19/1966 hefur þannig alls verið breytt margsinnis.

T. d. árið 1991 með 8. gr. laga nr. 23/1991 um breytingu á lagaákvæðum er varða fjárfestingu erlendra aðila í atvinnurekstri o.fl.

Í greinargerðinni með þeim lögum tók Alþingi af öll tvímæli hvað varðaði erlenda aðila frá EES svæðinu:

"...ef viðkomandi aðili hefur rétt til að stunda atvinnurekstur hér á landi og um er að ræða eignarrétt eða afnotarétt á fasteign til eigin nota og eða til notkunar í atvinnustarfsemi sinni, enda fylgi fasteigninni einungis venjuleg lóðarréttindi..."

Í öllum þessum lagabreytingum hefur ekkert komið frá hjá Alþingi um að verið sé að rýmka heimildir erlendra aðila til að kaupa fasteignir hérlendis. Ekki umfram nauðsynlega þörf til íbúðar eða atvinnu.

Ennþá er það kallað undanþága í lögunum og ráðherra heimilað að setja reglugerð um að þessir aðilar, frá EES, þurfi að sanna rétt sinn skv. lögunum.

Og það er skilyrði þess sem lögin kalla undanþágu að einungis sé verið að kaupa fasteign með venjulegum lóðarréttindum.

Þá er algerlega augljóst að aðili utan EES, sem engan rétt á skv. lögunum, getur ekki keypt 0,3% af landinu í heildsölu.

Það er bara alveg galinn skilningur að slíkt sé heimilt.

Viggó Jörgensson, 27.11.2011 kl. 03:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband