Hæstiréttur dæmir eftir lögum - Ögmundur líttu þér nær.

Það er alls engan afslátt hægt að gefa af hárréttri framkvæmd kosninga.

Hæstiréttur á einmitt alls ekki að líta til stjórnmálalegra hagsmuna eða væntinga. 

Almennar kosningar skal framkvæma nákvæmlega eftir lagabókstafnum. 

Þeir sem biðja um annað eru á leið til vanþróaðra ríkja þar sem yfirvöld fá alltaf rússneska kosningu, hvernig sem allt veltist. 

Klúðrið við stjórnlagaþingskosningar kemur Hæstarétti ekkert við. 

Sökudólgarnir eru stjórnmálamennirnir sjálfir enda er þessi stjórnlagaþingshugmynd leikrit frá upphafi til enda.

Stjórnlagaþingið átti að færa ríkisstjórninni tillögu um að ganga í ESB og leiða athygli almennings frá getuleysi þeirra Jóhönnu og Steingríms.  

Nú hefur það breyst í farsa og skrifast það eingöngu á forystu ríkisstjórnarinnar. 

Bæði fyrir hugmyndina sjálfa og einnig að þau skuli hafa ráðið sér jámenn sem sérfræðinga og ráðgjafa í málinu. 

Enn einu sinni hefur frú Jóhanna sannfært okkur um að hún ræður alls ekkert við sitt embætti. 

     

Ákvörðun Hæstaréttar kom á óvart

Athugasemdir

[ransý (IP-tala skráð) 27.1.2011 kl. 12:20]

Svo nákvæmlega  ! og burtu með þetta leiða lið , Jóhönnu og co