Baugsfjölskyldunni bjargað, hún átti mest bágt.

Ríkisstjórnin sá sem betur fer til þess að Baugsfjölskyldan hélt 365 miðlum, Stöð 2, Fréttablaðinu o. fl.

Svo hefur Óli Óla og fjölskylda haldið Samskipum.

Einnig hefur ríkisstjórnin gert sitt til þess að Baugsfjölskyldan haldi smásöluversluninni í landinu til Haga.

Þá hefur ríkisstjórnin flutt út skjaldborgina og leyft einhverjum kulsælum vesalingum í Kanada að kaupa hluta af orkuauðlindum landsins, á gjafakjörum.

Rétt í þessu var ríkisstjórnin að láta samþykkja lög til að hjálpa Björgúlfi Thor af stað aftur.

Auðvitað verða þær fjölskyldur að ganga fyrir er hæstar hafa skuldirnar og eiga mest bágt.

Þá var Már Guðmundsson og fjölskylda alveg við vergang um tíma og auðvitað fór tími í það.

Svo ganga þau Steingrímur og Jóhanna einhvern tímann á röðina.

Bara vanþakklát óþolinmæði hjá þessum 3000 sem eru fluttir úr landi.

Eða hjá þessum 11000 sem hafa ekki í sig og á.

Jóhanna og Steingrímur munu rjúka í málið um leið og heil hugsun kemst að.

Að sögn Jóhönnu er hún óvinnufær við Lækjartorg, af því að það er hrekkjusvín upp við Rauðavatn.

Steingrímur er líka orðinn höfuðveikur og ófær til vinnu út af einelti.

Sumir eru svo ómerkilegir að rifja sífellt upp hverju hann lofaði fyrir kosningar.

Minna þarf nú til að fá yfir höfuðið.

Hafa komið til móts við skuldavandann

Athugasemdir

[Sigurður Haraldsson, 10.6.2010 kl. 01:01]

Það er brostin á landflótti nær óstöðvandi búið að bjóða mér vinnu í Færeyjum síðan væntanlega í Noregi það er sárt að vita til þess sem er að gerast og stjórnvöld gera ekkert nema verja útrásarvíkingana ásamt bankakerfinu!

Nú er komin tími uppgjörs byltingu strax þar mun ég ekki láta á mér standa því að út vil ég ekki nema að allt sé full reynt, steypum stjórnvöldum og rústum fjórflokknum það er það eina sem raunhæft er í stöðunni vegna spillingar og einkavinavæðingar sem þar tíðkast.

Hvernig er það með Orkuveituna af hverju eru æðstu stjórnendur komnir með lúxuss jeppa til afnota þegar allt er á hausnum þetta verður að stoppa strax!